16:20 / 23.10.2019
0
7900

Toshkent davlat texnika universitetida 40ta quyosh paneli o‘rnatildi

Oliy va o‘rta maxsus ta'lim vazirligi “O‘zeltexsanoat” uyushmasi va “CHINT Electric” O‘zbek-Xitoy qo‘shma korxonasi bilan hamkorlikda Toshkent davlat texnika universiteti hududiga 10 kVa/soat quvvatiga ega 40 ta quyosh paneli o‘rnatildi.

Loyiha doirasida universitetning Energetika fakulteti talabalari va o‘qituvchilari uchun “Elektr uskunalarini tekshirish va nazorat qilishni innovatsion boshqarish o‘quv-laboratoriya xonasi” ham to‘liq jihozlab berildi, deb xabar bermoqda Oliy va o‘rta maxsus ta'lim vazirligi.

Zamonaviy jihozlangan laboratoriyada talabalar ilmiy-tadqiqot ishlari va ixtirolarini sinovdan o‘tkazish, elektr uskunalarini nazorat qilish imkoniyatiga ega bo‘ladilar. Bu esa elektrotexnika sanoati sohasida kadrlar tayyorlash tizimini sifat jihatidan yaxshilanishiga xizmat qilishi bilan ahamiyatlidir.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top