09:37 / 02.11.2019
0
30535
Хоразмда қурувчиларни ток урди. Икки йигит ҳаётдан кўз юмди
Фото: АиФ

Хоразм вилояти Ҳазорасп тумани Боғдор маҳалласида жойлашган мактабгача таълим муассасаси биносида таъмирлаш ишларини олиб бораётган ёлланма ишчилар хавфсизлик қоидаларига амал қилмагани учун ҳаётдан кўз юмишди.

«Постда» нашрининг ёзишича, Хонқа тумани Катта куч маҳалласида  яшовчи уч йигит темирдан ясалган ҳавозани кўтарган вақтида тепадан электр сими ўтганини бир зумга унутишган. 

Оқибатда, ҳавоза электр симига тегиб кетиши натижасида уларни электр токи урган. Йигитлардан иккиси воқеа жойида ҳаётдан кўз юмди. Яна бири шифохонага ётқизилди.

Айни пайтда ҳолат юзасидан суриштирувни прокуратура олиб бормоқда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top