Ta'lim tashkilotlari, pedagoglar va o‘quvchilar to‘g‘risida yagona ma'lumotlar bazasi joriy etiladi

tizimida oliy ta'lim muassasalari bo‘lgan vazirliklar va idoralar bilan birgalikda oliy ta'lim muassasalari faoliyatini maqbullashtirgan holda avtomatlashtirishni nazarda tutadigan – “Oliy ta'limni boshqarish axborot tizimi”;

g) Innovatsion rivojlanish vazirligi va Vazirlar Mahkamasi huzuridagi Oliy attestatsiya komissiyasi tomonidan oliy ta'limdan keyingi ta'lim sohasi faoliyatini maqbullashtirgan holda avtomatlashtirishni nazarda tutadigan – “Oliy ta'limdan keyingi ta'limni boshqarish axborot tizimi”;

d) tizimida ta'lim muassasalari bo‘lgan vazirliklar va idoralar tomonidan malaka oshirish va qayta tayyorlash ta'lim sohasi faoliyatini maqbullashtirgan holda avtomatlashtirishni nazarda tutadigan – “Malaka oshirish va qayta tayyorlash bo‘yicha ta'limni boshqarish axborot tizimi”;

ye) Davlat inspeksiyasi tomonidan nodavlat ta'lim tashkilotlari faoliyatini maqbullashtirgan holda avtomatlashtirishni nazarda tutadigan – “Nodavlat ta'limni boshqarish axborot tizimi”.

Axborot tizimini yaratish, joriy etish va kelgusida yuritishni muvofiqlashtirish maqsadida O‘zbekiston Respublikasi Davlat budjetidan moliyalashtiriladigan boshqaruv xodimlarining umumiy cheklangan soni 15 nafardan iborat Davlat inspeksiyasining “Uzluksiz ta'lim” milliy axborot markazi tashkil etiladi.

Quyidagilar Markazning asosiy vazifalari etib belgilanadi:

axborot tizimiga ma'lumot kiritish bo‘yicha manfaatdor vazirliklar va idoralar hamda ularning hududiy bo‘linmalari bilan hamkorlik qilish, ularga tegishli ma'lumotlar bazasiga kirish huquqini ta'minlash;

axborot tizimining muntazam tarzda onlayn ishlashini ta'minlash, ma'lumot kiritilishining tizimli monitoringini olib borish hamda ma'lumotlarni almashish jarayonini muvofiqlashtirish;

axborot tizimiga kiritilayotgan ma'lumotlarning maxfiyligini ta'minlagan holda ekspertizadan o‘tkazish va tahlil qilish;

axborot tizimini tashkil etadigan ma'lumotlar bazalariga haqqoniy ma'lumotlarning to‘liq va sifatli kiritilishini ta'minlash, hisobga olish va statistikasini yuritish;

xorijiy davlatlarning, shu jumladan Tokio konvensiyasini ratifikatsiya qilgan davlatlarning milliy axborot markazlari bilan hamkorlikni yo‘lga qo‘yish va o‘zaro axborot almashishni ta'minlash;

axborot tizimiga kiritilgan ma'lumotlarning chet tillariga tarjima qilinishini hamda axborot tizimiga davlat tili bilan bir vaqtda kiritib borilishini tashkil etish;

axborot tizimini yanada takomillashtirish yuzasidan takliflar ishlab chiqish va amalga oshirish;

tegishli vazirlik va idoralarda mavjud bo‘lgan axborot tizimlari bilan integratsiyasini ta'minlaydigan axborot tizimini yaratish;

axborot tizimining ishlash jarayonida yuzaga kelgan texnik nosozliklarni tezkorlik bilan bartaraf etish.

Belgilab qo‘yilishicha:

axborot tizimini yaratish, joriy etish va yuritilishini ta'minlash yuzasidan buyurtmachi tashkilot – Davlat inspeksiyasi, axborot tizimini ishlab chiqish, ishga tushirish va kelgusida yuritilishini ta'minlash bo‘yicha pudratchi tashkilot – Markaz hisoblanadi;

Davlat inspeksiyasining axborot tizimini joriy etish yuzasidan o‘z vakolatlari doirasida qabul qilgan qarorlari davlat va xo‘jalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari uchun majburiy hisoblanadi;

Markaz davlat muassasasi shaklidagi yuridik shaxs hisoblanadi, o‘z ustaviga, O‘zbekiston Respublikasi Moliya vazirligi G‘aznachilik bo‘linmasidagi shaxsiy g‘azna hisob raqamiga, O‘zbekiston Respublikasi Davlat gerbi tasviri tushirilgan va nomi ko‘rsatilgan muhrga, o‘z nomi yozilgan shtampga, blankalarga ega bo‘ladi;

Markaz xodimlariga Davlat inspeksiyasining tegishli lavozimlari uchun belgilangan mehnatga haq to‘lash va moddiy rag‘batlantirish shartlari qo‘llaniladi;

axborot tizimiga ma'lumotlar kiritilishida mas'uliyatsizlikka yo‘l qo‘ygan yoki noto‘g‘ri ma'lumotlar kiritilishiga sababchi bo‘lgan vazirliklar va idoralarning mas'ul xodimlariga nisbatan Davlat inspeksiyasining taqdimnomasiga muvofiq intizomiy jazo choralari qo‘llanadi;

axborot tizimida 1992 yil 1 yanvardan boshlab ta'lim tashkilotlari, pedagog xodimlar, ta'lim oluvchilar, ta'lim-tarbiya jarayoni va boshqa zarur axborotlar to‘g‘risidagi ma'lumotlar bazasi yaratiladi.