Tramp Eronga yangi qurol qo‘llash bilan tahdid qildi

Foto: Eva Marie Uzcategui / Reuters

AQSh prezidenti Donald Tramp agarda Tehron Amerika harbiy bazalariga hujum qiladigan bo‘lsa, Eronga qarshi yangi qurolni qo‘llash bilan tahdid qildi. U bu haqda o‘zining Twitter sahifasida yozdi.

«AQSh yaqinda harbiy qurol uchun 2 trln dollar sarfladi... Agar Eron Amerika bazasiga yoki biror amerikalikka hujum qilsa, biz mutlaqo yangi, ajoyib qurolimizning bir qismini zudlik bilan u tomonga yo‘llaymiz.. Hech ikkilanmasdan», - deb yozdi AQSh prezidenti.

Avvalroq Tramp agar Tehron amerikaliklarga yoki AQSh obektlariga hujum qilsa, Erondagi 52ta obektga zarba berilishidan ogohlantirgandi.

AQSh prezidenti Eron 3 yanvarga o‘tar kechasi o‘ldirilgan «Al-Quds» maxsus bo‘linmasi qo‘mondoni general Qosim Sulaymoniy uchun o‘ch olish maqsadida AQShning qanchalik ko‘proq obektiga zarba berish masalasi muhokama qilayotganini ta'kidlab o‘tgan.

Tayyorlagan Дилшод Аскаров

#Eron #Donald Tramp

Eron tashqi siyosati bunyodkori, Yaqin Sharq bo‘yicha bosh strategi, Eron Islom inqilobi muhofazasi korpusi tarkibidagi «Kuds» maxsus bo‘linmasi qo‘mondoni Qosim Sulaymoniy Bag‘doddagi aeroportda AQSh prezidenti Donald Tramp farmoyishiga binoan o‘ldirildi.