«Çet elliklar Samarqand-u Buxoroni bilişadi, lekin…» – Özbekistonning Buyuk Britaniyadagi turizm elçisi bilan suhbat

– Özbekistonga birinçi taşrifingizni xotirlay olasizmi? U sizda qanday taassurot uyğotgan? Mamlakat uni 2008 yilda bilgan vaqtingizga nisbatan qay darajada özgargan?

Albatta, Özbekistonga ilk taşrifimni yaxşi xotirlayman. Öşanda Britaniyadan Afğonistonga maşinada yölga çiqqandim. Yölda men hududini kesib ötgan mamlakatlar orasida Özbekiston şubhasiz eng diqqatga sazovori bölgan.

Toşkent, Samarqand va Şahrisabz böylab yurib, Tojikiston hududiga ötgandim. Bilasizmi, bir neça kunlab Qozoğiston çöllarida avtomaşinani boşqarib, yölda na tunaşga joy, na yeyiş uçun biror mazali yegulik va na e'tiborni tortadigan biror qiziqarli narsa topmagaç, Toşkentga kelib Alişer Navoiy nomidagi opera va balet teatrini köriş, keyin esa Samarqandga borib, uning jozibasidan bahra oliş juda ajoyib bölgandi. Samarqandning betakrorligidan hayratga tuşgandim öşanda. Qayerga bormay, odamlar meni xuş kayfiyatda, oçiq yuz bilan kutib olişgandi.

Özbekistonda menga körsatilgan iliq munosabatni boşqa yerda körmaganman. Bu menga qattiq ta'sir qilgan, oçiğini aytsam. Öşa vaqtlardayoq bu yerga yana qaytib kelişni, mamlakatni özim uçun tölaroq kaşf qilişni maqsad qilib qöygandim. Umid qilamanki, ötgan yillar davomida Özbekistonda turizm sohasini rivojlantirişda ozmi-köpmi öz hissamni qöşa oldim.

– Odamlar, xoh Britaniyada bölsin, xoh boşqa yerda, sizga Özbekiston töğrisida eng köp qanaqa savollarni berişadi?

– Odamlar asosan «U yer xavfsizmi?» deb söraşadi. Hududdagi davlatlarning nomi öxşaşligi va Afğonistondagi muammolar sabab Özbekistonda ham xavfsizlik bilan boğliq muammolar bor, deb öylaşadi. Men esa ularga doim Özbekiston sayyohlar uçun, jumladan ayol sayohatçilar uçun ham mutlaqo xavfsiz davlat ekanini ta'kidlab kelaman. U yerga xoh yolğiz, xoh guruh bölib sayohatga borgan turistlar heç qanday hatar haqida öylamasalar ham böladi. Agar bilsangiz, bu – juda muhim jihat. Çunki Parij yoki Milan kabi şaharlarga boradigan sayyohlar kissovurlarga duç kelişdan, yoki mayda bezoriliklarga uçraşidan xavfsirab turadi odatda.

Şaxsan men heç qaçon Özbekistonda biror turistning hujumga uçragani, tunab ketilgani haqida eşitmaganman. Şunday ekan, men atrofimdagilarga Özbekiston mutlaqo xavfsiz, deb bemalol ayta olaman.

Bundan taşqari, odamlar yana mendan Özbekistonda körişga arzirli qanaqa joylar bor, deb söraydi. Men ularga YuNeSKO Butunjahon madaniy merosi röyxatiga kiritilgan şaharlar – Samarqand, Buxoro, Xiva haqida sözlab bersam, ular bu joylar haqida eşitganini ta'kidlaşadi. Ammo ular bu şaharlarning aynan Özbekistonda ekanidan bexabar.

Bizning asosiy vazifamiz – odamlarga şu ma'lumotlarni yetkazişdan iborat. Ular Özbekiston Buyuk ipak yölining yuragida joylaşganini, Samarqand va Buxoro kabi şaharlar esa Özbekistonning bir qismi ekanini bilişlari lozim. Çunki, aytib ötganimdek, köpçilikning bundan xabari yöq.

Özbekistonning zamonaviy tarixini ötmişi bilan, e'tiborga molik joylari bilan boğlay olişimiz juda muhim. Misol uçun, odamlar Toj Mahalga bormoqçi bölsa, u Hindistonda ekanini yaxşi biladi. Xuddi şunday, agar ular Registonga kelmoqçi bölsa, uning Özbekistonda joylaşganidan xabardor bölişlari lozim. Bu – marketing orqali hal etiladigan masala, ya'ni ular körmoqçi bölgan joylar Özbekistondaligini ularga yetkazişimiz kerak.

Suhbat davomida Sofi Ibbotson Özbekistonning Buyuk Britaniyadagi elçisi etib tayinlanişi qanday röy bergani, bu lavozimdagi vazifalariga nimalar kirişi, xalqaro maydonda Özbekistonning imijini oşirişga qaratilgan loyihalari, fevral oyida qator xorijlik jurnalistlarlarni Özbekistonga olib kelayotgani, mamlakatning turizm salohiyati va boşqa masalalarga ham batafsil töxtalib ötdi.