08:30 / 26.01.2020
0
22809
Хитойда коронавирусдан яна 15 киши вафот этди
Фото: KUN.UZ

Хитойда янги турдаги коронавирус билан зарарланганлар сони 1975 нафаргача, унинг қурбонлари сони эса 56 нафаргача етди. Маълум қилинишича, 324 беморнинг аҳволи оғир. 

Бир кун аввал вирусдан 41 киши вафот этгани, касалланганлар эса 1,4 минг кишига яқинни ташкил этаётгани маълум қилинганди.

Таъкидланишича, яна 2,7 минг киши вирус билан зарарланган бўлиши мумкин, бироқ бу ҳали тасдиқланмаган. 21,5 мингга яқин хитойлик касалланганлар билан яқин мулоқотда бўлган ва улар шифокорлар назорати остида қолмоқда.

Хитой ҳукумати маълумотларига кўра, энг кўп зарарланганлар вирус ўчоғи ҳисобланган Ухань шаҳри ва у жойлашган Хубэй провинциясида қайд қилинган – 1052 нафар. Шу ҳудудга вирусдан вафот этганларнинг энг кўпи тўғри келмоқда – 52 қурбон. Шунингдек, Хитой пойтахтида вирусдан 51 киши, Шанхайда эса 40 киши зарарланган.

Бундан ташқари, янги вирус Австралия, Вьетнам, Малайзия, Непал, Жанубий Корея, Сингапур, АҚШ, Таиланд, Франция ва Япониягача етиб борган.

Мавзу
Хитой коронавируси
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top