Тедрос Аданом Гебрейесус

Жаҳон соғлиқни сақлаш ташкилоти бош директори Тедрос Аданом Гебрейесус янги турдаги зотилжам эпидемияси сабабли Хитойга йўл олди. Бу ҳақда Гебрейесуснинг ўзи твиттерда маълум қилди. 

I am on my way to Beijing, 🇨🇳 to meet with the Government & health experts supporting the #coronavirus response. My @WHO colleagues & I would like to understand the latest developments & strengthen our partnership with 🇨🇳 in providing further protection against the outbreak.

— Tedros Adhanom Ghebreyesus (@DrTedros) January 26, 2020

“Мен Хитойга ушбу давлат ҳукумати ва коронавирус тарқалишига қарши курашда иштирок этаётган мутахассислари билан учрашувлар ўтказгани йўл олмоқдаман”, деб маълум қилган ЖССТ раҳбари.

Гебрейесуснинг таъкидлашича, у ҳамкасблари каби охирги воқеалар ривожини билишни ва Хитой билан зотилжамдан ҳимояланишни таъминлашда ҳамкорликни мустаҳкамлашни истамоқда. 

Айни вақтда Хитойда коронавирусдан касалланганлар сони 2 мингдан ошди, 57 киши унинг қурбонига айланди. 

ЖССТ коронавирус тарқалишини Хитой учун миллий даражадаги фавқулодда вазият деб тан олган, бироқ ҳозирча халқаро фавқулодда вазият деб эълон қилишга қарор қилмаяпти.