Hindistonda erkak 20 ga yaqin bolani garovga oldi 

Hindistonning Uttar-Pradesh shtatida bir erkak o‘z uyida 20 ga yaqin bolani garovga oldi. Ayni vaqtda politsiya bolalarni qutqarish bo‘yicha amaliyot o‘tkazmoqda. Bu haqda Hindustan Times nashri xabar berdi. 

OAV ma'lumotlariga ko‘ra, Farruhobodda yashovchi, qotillikda ayblangan Suresh Batam ismli erkak bolalarni o‘z qizining tug‘ilgan kuniga taklif qilib, so‘ngra ularni garovga olgan.

Ta'kidlanishicha, garovga olingan bolalarning aniq soni noma'lum. Mahalliy aholining ma'lum qilishicha, erkakning uyida 20-25 nafar bola, rafiqasi va bir yoshli qizi bo‘lishi mumkin.