17:33 / 03.02.2020
1
17159
Россия Ўзбекистон ва Қозоғистонга коронавирусни аниқлаш воситаларини тақдим этди

Россиянинг Истеъмолчилар ҳуқуқи ва инсон саломатлигини ҳимоя қилиш федерал хизмати Қозоғистон ва Ўзбекистонга янги коронавирусни лаборатор диагностика қилиш воситаларини тақдим этди. Бу ҳақда муассаса сайтида хабар берилди.

Фото: Getty Images

Хабарда айтилишича, Ўзбекистон ва Қозоғистон мутахассисларига тест-тизимлари 1 ва 2 февраль кунлари етказиб берилган. Шунингдек, Арманистон ва Беларусга ҳам тест-тизимлари тақдим этилган. Шу кунларда Қирғизистон ва Тожикистонга ана шундай воситаларни етказиб бериш кутилмоқда. 

Қайд этилишича, Россия диагностика қурилмаларини ЕОИИ ва МДҲ давлатларига ёрдам доирасида бепул етказиб берган. Тест-тизимлари «Вектор» вирусология ва биотехнология илмий марказида ишлаб чиқарилган.

Сўнгги маълумотларга кўра, Хитойда янги коронавирусдан бир кун ичида 57 киши вафот этди. Шу тариқа, эпидемия бошлангандан бери унинг қурбонлари сони 361 нафарга етди, касалланганлар эса яна 2829 кишига кўпайиб, 17205 нафарни ташкил қилмоқда. 

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top