09:18 / 04.02.2020
3
9913
Тошкент вилоятида дрондан фойдаланиб видеолавҳа олмоқчи бўлган шахслар ушланди 

Тошкент вилоятида дрон аппаратидан фойдаланиб видеолавҳа олмоқчи бўлган фуқаролар ушланди. Бу ҳақда ИИВ Транспортда хавфсизликни таъминлаш бош бошқармаси хабар бермоқда.

Фото: ИИВ ахборот хизмати

Қайд этилишича, жорий йилнинг 3 февраль куни Транспортда хавфсизликни таъминлаш бош бошқармаси тезкор ходимлари томонидан тезкор тадбир ўтказилган. Унинг давомида, Тошкент шаҳри Юнусобод тумани, 6-мавзеда яшовчи, 1995 йилда туғилган, вақтинча ишсиз Ў.Ш., Яшнобод тумани, Жарқўрғон кўчасида яшовчи, 1985 йилда туғилган, вақтинча ишсиз Ю.С., Тошкент вилояти Тошкент тумани, “Гулистон” қишлоғида яшовчи, 1995 йилда  туғилган, вақтинча ишсиз И.И. Тошкент вилояти Ўрта Чирчиқ тумани “Ёшлик” маҳалласи ҳудудида “PHANTOM-4”-русумли учувчисиз учадиган дрон аппаратидан фойдаланиб видеолавҳа олмоқчи бўлган вақтларида ушланган. 

Улардан дрон аппарати холислар иштирокида ҳужжатлаштирилиб, текшириб кўриш учун далилий ашё сифатида олинган. Мазкур ҳолат юзасидан терговга қадар суриштирув ҳаракатлари олиб борилмоқда.

билдирилишича, Ўзбекистон Республикасининг 2019 йил 2 майдаги ЎРҚ-534-сонли Қонунига кўра Жиноят кодекси 244-4-моддаси билан тўлдирилган бўлиб, учувчисиз учадиган аппаратларни қонунга хилоф равишда олиб кириш, ўтказиш, олиш, сақлаш ёки улардан фойдаланиш учун жиноий жавобгарлик белгиланган.

Ушбу хабарга фикрингизни билдиринг. Бунинг учун авторизациядан ўтишингиз керак!
Top