Janubiy Koreya klubi Xurshid G‘iyosov transferini e'lon qildi

«Bunyodkor» klubi futbolchisi Xurshid G‘iyosov yangi mavsumda rasman legionerga aylandi. Bu haqda O‘FA rasmiy sayti xabar bermoqda.

O‘zbekiston milliy jamoasiga nomzod futbolchi Janubiy Koreyaning «Anyang» klubi bilan shartnoma imzolagach, klub futbolchi transferini e'lon qildi. Shartnoma shartlari ma'lum qilinmagan.

Ma'lumot uchun, «Anyang» Janubiy Koreyaning ikkinchi ligasi sanalmish K-ligada ishtirok etadi. Ushbu turnirda chempionat bahslari 29 fevral kuni start oladi.