Бағдодликлар 11 февраль куни 12 йил деганда илк марта қор билан уйғонишди. Бугун, 11 февраль куни Ироқ пойтахтида ҳаво ҳарорати -2 даражагача пастлаган. Ироқнинг тоғли ҳудудларида қор ёғиши одатий ҳол, аммо Бағдодда табиатнинг бу ҳодисаси кам учрайди.
Эрталабдан ижтимоий тармоқларда қорга бурканган Бағдод суратлари жойланди. AP маълумотига кўра, Бағдодда охирги марта 2008 йилда қор ёққан. Бир фойдаланувчининг ёзишича, 2008 йил Ироқ пойтахтида 100 йил деганда қор ёққан. Яқин Шарқнинг бошқа мамлакатлари, хусусан Эрон, Туркиянинг иссиқ ҳудудлари ҳам қорга бурканган.
— Муаллиф фикри таҳририят нуқтаи назарини ифода қилмаслиги мумкин.
— Таҳририят бу мавзу бўйича иккинчи томоннинг фикрларига ҳам минбар беришга тайёр
