09:37 / 15.02.2020
0
36032
Хитойда коронавирус қурбонлари сони 1500дан ошди
Фото: EPA-EFE/YUAN ZHENG

Хитойда янги коронавирус туфайли ҳаётдан кўз юмганлар сони 1523 кишига етди, 8096 киши тузалиб кетди, касалликка чалинганлар сони 66,4 минг кишидан ошди. Бу ҳақда Хитойнинг Гигиена ва соғлиқни сақлаш масалалари бўйича давлат қўмитаси шанба куни маълум қилди.

Жума куни идора 63,8 мингдан кўпроқ одам касаллангани, 1380 киши ҳаётдан кўз юмгани ва 6723 киши тузалиб кетгани ҳақида хабар берганди. Янгиланган маълумотларга кўра, мамлакатда коронавирусдан расмий ўлим даражаси 2,29 фоизни ташкил этмоқда.

Хубэй марказий провинцияси касалланганлар сони бўйича биринчи ўринни эгаллаб турибди, бу ерда 54,4 мингдан кўпроқ одам касаллик билан рўйхатга олинган, улардан 1457 киши вафот этди, 4774 нафари тузалиб кетди. Кейинги ўринлардан 1,2 мингдан ортиқ киши касалланган Гуандун (жануб), 1,1 мингта касалланиш ҳолати қайд этилган Хэнань (марказ) ва Чжэцзян (шарқ) провинциялари жой олди.

Пекинда жума кунги ҳолатга кўра 372 киши касалланди, улардан 80 нафари касалхонадан чиқарилди, уч киши вафот этди. 

Бундан олдин, Африкада коронавирусдан касалланишнинг илк ҳолати қайд этилгани хабар берилганди. 

Мавзу
Хитой коронавируси
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top