Bugun, 21 fevral kuni Samarqand viloyat hokimligida oltinchi chaqiriq Xalq deputatlari Samarqand viloyati Kengashining uchinchi sessiyasi o‘tkazildi.
Kun.uz muxbirining xabar berishicha, sessiya kun tartibida Samarqand viloyati Mahalla va oilani qo‘llab-quvvatlash boshqarmasi boshlig‘i va boshliq o‘rinbosarlarini tasdiqlash to‘g‘risidagi masala ham ko‘rib chiqildi.
Ushbu masala yuzasidan O‘zbekiston Respublikasi prezidentining maslahatchisi Rustam Qosimov chiqish qildi.
Sessiyada deputatlar tomonidan yangi tashkil etilgan boshqarmaga quyidagi tarkibda boshliq va uning o‘rinbosarlari tasdiqlandi:
Umarov Asqar Narziyevich — viloyat hokimining o‘rinbosari, mahalla va oilani qo‘llab-quvvatlash boshqarmasi boshlig‘i;
Alimova Gavhar Zoyirovna — mahalla va oilani qo‘llab-quvvatlash boshqarmasi boshlig‘ining xotin-qizlarning ijtimoiy-siyosiy faolligini oshirish bo‘yicha birinchi o‘rinbosari;
Xalimov Akram Hamidovich — mahalla va oilani qo‘llab-quvvatlash boshqarmasi boshlig‘ining xavfsiz mahalla faoliyatini tashkil etish va muvofiqlashtirish bo‘yicha o‘rinbosari;
Normurodov Hasan Norbekovich — mahalla va oilani qo‘llab-quvvatlash boshqarmasi boshlig‘ining keksalar va faxriylarni qo‘llab-quvvatlash va ijtimoiy faolligini oshirish bo‘yicha o‘rinbosari.
