Ayol kadrlarni yuqori diplomatik lavozimlarga tayyorlash tizimli yo‘lga qo‘yilmagan – Senat

Toshkent shahri Senat yalpi majlisi davom etmoqda. Bu haqda Kun.uz muxbiri xabar berdi.

Foto: KUN.UZ

Qayd etilishicha, unda Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo‘mitasi raisi Ravshanbek Alimov so‘zga chiqdi. U o‘z nutqida tashqi ishlar sohasidagi muammolarga to‘xtaldi.

“Tashqi ishlar vazirligining kadrlar zaxirasini shakllantirish, rotatsiya tartibi, rahbar diplomatik xodimlarni tayyorlash va malakasini oshirish masalalari dolzarbligicha qolmoqda. O‘zbekistonning qator diplomatik vakolatxonalarida uzoq davr mobaynida vakansiyalar saqlanib kelinmoqda. Ochiq va shaffof tanlov o‘tkazish bo‘yicha topshiriq hali-hanuz bajarilmagan.

Alohida achinarli hol – bu ayol kadrlarni yuqori diplomatik lavozimlarga tayyorlash ishlari tizimli yo‘lga qo‘yilmaganligi”, - dedi Ravshanbek Alimov.