00:01 / 06.03.2020
0
6011
Идлибда ўт очишни тўхтатиш режими кучга кирди

Россия ва Туркия президентларининг музокараларидан кейин Суриянинг Идлиб вилоятида 6 март яримтунда ўт очишни тўхтатиш режими кучга кирди.

Фото: REUTERS/Umit Bektas

Владимир Путин ва Ражаб Тоййиб Эрдўған учрашуви натижаларига кўра тузилган меморандумда Суриянинг шимолидаги М4 трассаси яқинида 12 километрлик хавфсизлик йўлаги ташкил этилиши маълум қилинган. Томонлар бу ҳудуд бўйлаб 15 мартдан патруллашни бошлашга келишиб олишган. Ярашув режими бошлангандан кейин Идлибдаги жанговар ҳаракатлар тўхтатилади.

Россия ташқи ишлар вазири Сергей Лавровнинг қўшимча қилишича, Москва ва Анқара Идлибда БМТ Хавфсизлик кенгаши томонидан террорчилик гуруҳлари деб тан олинган барча гуруҳларни йўқ қилишга келишиб олган. 

5 март куни Кремлда Суриядаги вазит бўйича Россия-Туркия музокаралари бўлиб ўтди. 

Мавзу
Идлиб можароси
2019 йил декабрида Сурия армияси Идлибни тўлиқ эгаллаш учун юриш бошлади. Туркия эса Сурия шимолидаги иттифоқчиларини ҳимоя қилиш учун бу ҳудуддаги кузатув постларига минглаб ҳарбийларини жўнатди ва икки томон ўртасида тўқнашувлар рўй бера бошлади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top