13:53 / 13.03.2020
6869
Деҳқон бозорида аёл киши заргарлик буюмларини олиб қочди

Фарғонадаги деҳқон бозорида аёл киши заргарлик буюмларни олиб қочди

2020 йилнинг 9 март куни соат 09:00ларда Фарғона вилояти Фурқат тумани Навбаҳор шаҳарчаси ҳудудидаги деҳқон бозорида 35 ёшли А.Д. 29 ёшли Г.Б.га нисбатан куч ишлатиш билан қўрқитиб, умумий қиймати 9 072 000 сўмлик қимматбаҳо заргарлик буюмларини олиб, ҳодиса жойидан яширинган.

Ўзбекистон Республикаси ИИВ ҳузуридаги Тергов департаменти хабарига кўра, мазкур ҳолат юзасидан Фурқат тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 166-моддаси 2-қисми “а” банди (талончилик) билан жиноят иши қўзғатилган.

Маълумотда айтилишича, А.Д. гумон қилинувчи тариқасида жалб қилинган. Ҳозирда дастлабки тергов ҳаракатлари давом этмоқда.

Top