«O‘zbekiston pochtasi» mamlakat ichida pochta jo‘natmalari yetkazib berishni davom ettiradi

Bu, o‘z navbatida, pochta jo‘natmalarini shu yo‘nalishlarda kechikishlarga sabab bo‘lishi mumkin.

«O‘zbekiston pochtasi» AJ tomonidan mamlakat ichidagi shaharlararo pochta almashinuvi o‘ziga tegishli avtotransport va Uzbekistan Airways kompaniyasining havo transporti (Termiz, Nukus, Urganch) orqali amalga oshirilar edi.

O‘zbekistonda koronavirusning tarqalishi natijasida Uzbekistan Airways kompaniyasining havo transporti orqali respublikaning (Termiz, Nukus, Urganch) shaharlariga o‘z parvozlarini to‘xtatgan.

Shu munosabat bilan «O‘zbekiston pochtasi» AJ pochta jo‘natmalarini yuqoridagi shaharlar yo‘nalishlari bo‘yicha o‘zining qo‘shimcha avtotransporti orqali amalga oshirishni yo‘lga qo‘ydi.

Bildirilishicha, bu, o‘z navbatida, pochta jo‘natmalarini shu yo‘nalishlarda kechikishlarga sabab bo‘lishi mumkin. Bunda pochta jo‘natmalarini yetkazilishini uzluksiz amalga oshirilishi ta'minlanadi.

Yuqoridagilarni inobatga olgan holda, «O‘zbekiston pochtasi» AJ yuzaga kelishi mumkin bo‘lgan noqulayliklar uchun oldindan uzr so‘ragan.

Avvalroq, «O‘zbekiston pochtasi» qator davlatlarga pochta jo‘natmalari qabul qilishni boshlagandi.