Taxiatosh IESda ishlab chiqarish quvvatlari oshirildi

Qoraqalpog‘iston Respublikasi va Xorazm viloyati aholisini elektr energiyasiga bo‘lgan ehtiyojini to‘liq qoplash maqsadida, 3 aprel kuni Taxiatosh Issiqlik Elektr Stansiyasida (IES) 280 MVt quvvatdagi bug‘-gaz qurilmasi ishga tushirildi.

Foto: Energetika vazirligi matbuot xizmati

Ushbu yirik investitsion loyiha O‘zbekiston Respublikasi Prezidentining 2017 yil 11 sentyabrdagi «Taxiatosh IESda 230-280 MVt quvvatga ega ikkita gaz-bug‘ qurilmalarini qurish» investitsiya loyihasini amalga oshirishga oid qo‘shimcha chora-tadbirlar to‘g‘risida»gi qaroriga muvofiq bajarildi, deb xabar beradi «Issiqlik elektr stansiyalari» AJ matbuot xizmati.

Loyiha zamonaviy ilg‘or texnologiyalar asosida Janubiy Koreyaning Hyundai Engineering va Hyundai Engineering & Construction kompaniyalari konsorsiumi bilan hamkorlikda amalga oshirildi. Yangi bug‘-gaz qurilmasining ishga turilishi Qoraqalpog‘iston Respublikasi va Xorazm viloyatini elektr energiyasi bilan uzluksiz ta'minlash jarayonining yaxshilanishini ko‘zda tutadi.