O‘zbekistonda koronavirusdan sog‘ayganlarning qon zardobidan bemorlarni davolashda foydalanish yo‘lga qo‘yilmoqda
O‘zbekistonda endilikda koronavirus bemorlarini davolash uchun sog‘ayib ketganlarning qon zardobidan antitela maqsadida foydalanilishi yo‘lga qo‘yiladi.

O‘zbekiston shifokorlari tez kunlarda Covid-19 infeksiyasi og‘ir kechayotgan bemorlarni davolashda mutlaqo yangi va samarali usulni qo‘llashni boshlaydi. Bu haqda O‘zbekiston Respublikasi Sog‘liqni saqlash vazirligi Jamoatchilik bilan aloqalar bo‘limi rahbari Furqat Sanayevning telegram kanalida xabar qilindi.
«Qadim zamonlardayoq tibbiyotda muhim ahamiyatga ega bo‘lgan inson qoni olimlarning alohida e'tibor markazida bo‘lib kelgan. Chunki, qon hayot manbai, unda turli kasalliklarga qarshi kurashish qobiliyati mavjud deb hisoblangan.
Shundan kelib chiqqan holda mamlakatimizda qon donorligi va qondan turli kasalliklarga qarshi kurashish xususiyatiga ega bo‘lgan preparatlar tayyorlanib kelinmoqda. Bunga turli bakteriya va mikroblarga qarshi zardoblar, muzlatilgan plazmalar yoki immunglobulinlarni misol qilish mumkin.
Barchamizga ma'lumki, ayni paytda butun dunyoda Covid-19 infeksiyasi pandemiyasi hukm surmoqda. Davlatimiz rahbarining qat'iy irodasi hamda qator mas'ullarimiz tomonidan ko‘rilayotgan sa'y-harakatlar tufayli yurtimizda ushbu kasallikning tarqalishi nazoratga olingan.
Yana bir ahamiyatli tomoni, fidoyi shifokorlarimizning mashaqqatli mehnatlari natijasida koronavirus infeksiyasidan tuzalgan bemorlarimiz ayni paytda 42 nafarga yetdi va ularning safi kundan-kunga ortib bormoqda.
E'tiborli jihati, sog‘aygan fuqarolarimizning qon zardobi kasallikni boshidan kechirayotgan bemorlarimiz uchun nihoyatda bebaho bo‘lib, ularning ushbu xastalikni yengil o‘tkazishi va tezroq tuzalishlari uchun zamin bo‘lib xizmat qilishi mumkin.
Shunga ko‘ra, yurtimizdagi bir qator tajribali olim va shifokorlar bilan kelishilgan holda, tez kunlarda mutlaqo yangicha usul - koronavirusdan sog‘aygan insonlarning qon zardobini xastaligi og‘ir kechayotgan bemorlarga quyish amaliyotini joriy etish boshlanadi.
Amaliyotning ilmiy asosiga keladigan bo‘lsak, Covid-19 infeksiyasiga chalingan bemorlar qon zardobida virusga qarshi immun tanachalar paydo bo‘lib, ular virusning o‘limiga olib keladi.
Tabiiyki, bu amaliyot qator savollar tug‘dirishi mumkin. Zardobdan boshqa kasallik yuqmaydimi? Zardob bergan insonlar ahvoli og‘irlashmaydimi? Bemorlarga zardob quyilganda turli asoratlar yuzaga kelmaydimi?
Avvalo, koronavirus infeksiyasidan tuzalgan insonlardan zardob olishdan oldin, bir nechta infeksiyalarga tekshiriladi, tibbiy ko‘rikdan o‘tkaziladi. Qo‘shimcha infeksiyasi va kasalligi bo‘lmagan insonlar zardobining kichik bir qismi olinadi, xolos. Bu miqdor donor uchun hech qanday salbiy asoratlarni namoyon qilmaydi. Bu ilmiy jihatdan isbotlangan. So‘ngra yig‘ib olingan zardob yana qo‘shimcha ishlov berish jarayonlaridan o‘tkazilgandan so‘ng, kasallik og‘ir kechayotgan bemorlar roziligi va shifokor ko‘rsatmalari hamda maxsus tartiblarga qat'iy rioya qilingan holda qo‘llanishi mumkin.
Eng muhimi, Covid-19 infeksiyasidan tuzalgan insonlarning qon zardobi – kasallik og‘ir kechayotgan yoki uzoq davom etayotgan bemorlarimizga virusni tezroq va osonroq yengish uchun qo‘shimcha kurashish manbai bo‘lib xizmat qiladi», deyiladi Sog‘liqni saqlash vazirligi Jamoatchilik bilan aloqalar bo‘limi xabarida.
Tavsiya etamiz
Zelenskiydan mamnun, Rossiya zarbalaridan hafsalasi pir bo‘lgan. Trampning oxirgi bayonotlaridan asosiy gaplar
Jahon | 16:21 / 28.04.2025
Turkiyalik erkak operatsiyadan keyin ona tilini unutib, boshqa tilda gapirishni boshladi
Jahon | 19:42 / 27.04.2025
Havo isib ketishi va qurg‘oqchilikka tayyor turishimiz kerak – Erkin Abdulahatov
O‘zbekiston | 15:55 / 26.04.2025
Muddat qo‘yuvchi Tramp: buning oxiri bormi?
Jahon | 22:09 / 24.04.2025
So‘nggi yangiliklar
-
Aholi sog‘lig‘ini saqlash kodeksi qabul qilinadi
O‘zbekiston | 12:14
-
Rossiyada mikromoliya tashkilotlaridan qarz olgan fuqarolar soni 10 mlnga yetdi
Jahon | 12:01
-
Saida Mirziyoyeva «Raqamli avlod qizlari» tanlovi g‘oliblarini tabrikladi
O‘zbekiston | 11:55
-
Fuqarolarga yoshga doir pensiyani tayinlash tartibi yengillashtirilyapti
O‘zbekiston | 11:37
Mavzuga oid

23:29 / 03.07.2021
AQShda hayvonlar sinov tariqasida koronavirusga qarshi emlanmoqda

13:47 / 03.07.2021
Buxoro viloyati hokimi koronavirusga chalindi

23:49 / 02.07.2021
JSST Yevro-2020 sababli Yevropada koronavirusning yangi to‘lqini yuz berishi muqarrarligini aytdi

18:24 / 02.07.2021