00:11 / 10.05.2020
264456
«Яшил», «қизил» ва «сариқ» ҳудудлар: Туманлар ва шаҳарлар бўйича рўйхат

Ўзбекистон Республикасига коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика махсус комиссияси «яшил», «сариқ» ва «қизил» тоифадаги ҳудудлар рўйхатини тақдим қилди.

7 май куни ўтказилган видеоселектор йиғилишида президент Шавкат Мирзиёев томонидан мамлакатимизда коронавирус билан боғлиқ вазият яхшиланиб, ижобий томонга ўзгариб бориши билан, ҳудудларни тоифага ажратишни туман ва шаҳарлар даражасида белгилаш таъкидланган эди.

Шу муносабат билан, Республика махсус комиссиясининг 2020 йил 8 майдаги йиғилиши баёнига мувофиқ, Республикада коронавирус инфекцияси тарқалиш ҳолатининг ҳудудлар кесимидаги таҳлили, касаллик аниқланган беморларнинг даволаниш (соғайиш) динамикаси ҳолатидан келиб чиққан ҳолда республика ҳудудлари жорий йилнинг 11 майидан эътиборан туман ва шаҳарлар даражасида тоифаларга ажратилди.

Бунда: «сариқ» ва «қизил» тоифадаги вилоятларда коронавирус инфекцияси умуман аниқланмаган туманлар (шаҳарлар) «яшил» тоифага киритилади;

«яшил» ёки «сариқ» тоифадаги вилоятнинг бирор-бир туманида (шаҳрида) коронавирус инфекцияси аниқланадиган бўлса, бутун вилоятнинг тоифасини ўзгартирмаган ҳолда тегишли туманнинг (шаҳарнинг) ўзи «қизил» тоифага ўтказилади.

Тошкент шаҳрини «қизил», «сариқ» ва «яшил» тоифаларга ажратиш эпидемиологик вазиятдан келиб чиққан ҳолда Санитария-эпидемиологик осойишталик агентлигининг таклифи асосида маҳаллалар, даҳалар, мавзелар кесимида амалга оширилиши мумкин.

Қорақалпоғистон Республикаси

«Яшил» тоифадаги туман ва шаҳарлар: Амударё тумани, Беруний тумани, Қанликўл тумани, Қораўзак тумани, Кегейли тумани, Мўйноқ тумани, Нукус тумани, Тахтакўпир тумани, Тўрткўл тумани, Хўжайли тумани, Чимбой тумани, Шуманай тумани, Элликқалъа тумани, Тахиатош тумани, Бўзатов тумани

«Сариқ» тоифадаги туман ва шаҳарлар: йўқ

«Қизил» тоифадаги туман ва шаҳарлар: Нукус шаҳри, Қўнғирот тумани

Андижон вилояти

«Яшил» тоифадаги туман ва шаҳарлар: Хонобод шаҳри, Балиқчи тумани, Бўз тумани, Булоқбоши тумани, Избоскан тумани, Қўрғонтепа тумани, Марҳамат тумани, Улуғнор тумани, Хўжаобод тумани

«Сариқ» тоифадаги туман ва шаҳарлар: Жалақудуқ тумани, Шаҳрихон тумани

«Қизил» тоифадаги туман ва шаҳарлар: Андижон шаҳри, Олтинкўл тумани, Андижон тумани, Асака тумани, Пахтаобод тумани

Бухоро вилояти

«Яшил» тоифадаги туман ва шаҳарлар: Когон шаҳри, Бухоро тумани, Вобкент тумани, Когон тумани, Қоровулбозор тумани, Пешку тумани, Ромитан тумани, Шофиркон тумани

«Сариқ» тоифадаги туман ва шаҳарлар: Олот тумани, Қоракўл тумани

«Қизил» тоифадаги туман ва шаҳарлар: Бухоро шаҳри, Ғиждувон тумани, Жондор тумани

Жиззах вилояти

«Яшил» тоифадаги туман ва шаҳарлар: Жиззах шаҳри, Арнасой тумани, Бахмал тумани, Ғаллаорол тумани, Шароф Рашидов тумани, Дўстлик тумани, Зомин тумани, Зарбдор тумани, Зафаробод тумани, Мирзачўл тумани, Пахтакор тумани, Фориш тумани, Янгиобод тумани

«Сариқ» тоифадаги туман ва шаҳарлар: йўқ

«Қизил» тоифадаги туман ва шаҳарлар: йўқ

Қашқадарё вилояти

«Яшил» тоифадаги туман ва шаҳарлар: Қарши шаҳри, Шаҳрисабз шаҳри, Деҳқонобод тумани, Қамаши тумани, Қарши тумани, Касби тумани, Китоб тумани, Миришкор тумани, Муборак тумани, Нишон тумани, Чироқчи тумани, Шаҳрисабз тумани, Ғузор тумани, Яккабоғ тумани

«Сариқ» тоифадаги туман ва шаҳарлар: йўқ

«Қизил» тоифадаги туман ва шаҳарлар: йўқ

Навоий вилояти

«Яшил» тоифадаги туман ва шаҳарлар: Навоий шаҳри, Кармана тумани, Конимех тумани, Қизилтепа тумани, Навбаҳор тумани, Нурота тумани, Томди тумани, Учқудуқ тумани

«Сариқ» тоифадаги туман ва шаҳарлар: Зарафшон шаҳри, Хатирчи тумани

«Қизил» тоифадаги туман ва шаҳарлар: йўқ

Наманган вилояти

«Яшил» тоифадаги туман ва шаҳарлар: Косонсой тумани, Мингбулоқ тумани, Тўрақўрғон тумани, Чортоқ тумани

«Сариқ» тоифадаги туман ва шаҳарлар: Поп тумани, Чуст тумани

«Қизил» тоифадаги туман ва шаҳарлар: Наманган шаҳри, Наманган тумани, Норин тумани, Уйчи тумани, Учқўрғон тумани, Янгиқўрғон тумани

Самарқанд вилояти

«Яшил» тоифадаги туман ва шаҳарлар: Каттақўрғон шаҳри, Каттақўрғон тумани, Қўшработ тумани, Нарпай тумани, Нуробод тумани, Пахтачи тумани, Ургут тумани

«Сариқ» тоифадаги туман ва шаҳарлар: Булунғур тумани, Жомбой тумани

«Қизил» тоифадаги туман ва шаҳарлар: Самарқанд шаҳри, Оқдарё тумани, Иштихон тумани, Пайариқ тумани, Паст Дарғом тумани, Самарқанд тумани, Тойлоқ тумани

Сурхондарё вилояти

«Яшил» тоифадаги туман ва шаҳарлар: Қизириқ тумани, Музробод тумани, Узун тумани, Бандихон тумани

«Сариқ» тоифадаги туман ва шаҳарлар: Олтинсой тумани, Бойсун тумани, Жарқўрғон тумани, Қумқўрғон тумани, Шеробод тумани, Шўрчи тумани

«Қизил» тоифадаги туман ва шаҳарлар: Термиз шаҳри, Ангор тумани, Денов тумани, Сариосиё тумани, Термиз тумани

Сирдарё вилояти

«Яшил» тоифадаги туман ва шаҳарлар: Ширин шаҳри, Оқ олтин тумани, Боёвут тумани, Гулистон тумани, Сайхунобод тумани, Сирдарё тумани

«Сариқ» тоифадаги туман ва шаҳарлар: Гулистон шаҳри, Мирзаобод тумани, Сардоба тумани

«Қизил» тоифадаги туман ва шаҳарлар: Янгиер шаҳри, Ховос тумани

Тошкент вилояти

«Яшил» тоифадаги туман ва шаҳарлар: Олмалиқ шаҳри, Оҳангарон шаҳри, Бекобод шаҳри, Нурафшон шаҳри, Оҳангарон тумани, Бўстонлиқ тумани, Бўка тумани, Пискент тумани

«Сариқ» тоифадаги туман ва шаҳарлар: Ангрен шаҳри, Чирчиқ шаҳри, Бекобод тумани, Қибрай тумани, Қуйи Чирчиқ тумани, Ўрта Чирчиқ тумани, Чиноз тумани, Юқори Чирчиқ тумани, Тошкент тумани

«Қизил» тоифадаги туман ва шаҳарлар: Янгийўл шаҳри, Оққўрғон тумани, Зангиота тумани, Паркент тумани, Янгийўл тумани

Фарғона вилояти

«Яшил» тоифадаги туман ва шаҳарлар: Фарғона шаҳри, Қўқон шаҳри, Қўштепа тумани, Бағдод тумани, Бешариқ тумани, Сўх тумани, Бувайда тумани, Ўзбекистон тумани, Данғара тумани, Риштон тумани, Учкўприк тумани, Фарғона тумани, Фурқат тумани

«Сариқ» тоифадаги туман ва шаҳарлар: Қувасой шаҳри, Тошлоқ тумани, Ёзёвон тумани

«Қизил» тоифадаги туман ва шаҳарлар: Марғилон шаҳри, Олтиариқ тумани, Қува тумани

Хоразм вилояти

«Яшил» тоифадаги туман ва шаҳарлар: Тупроққалъа тумани, Хива шаҳри, Боғот тумани, Хонқа тумани, Қўшкўпир тумани, Янгиариқ тумани, Хива тумани, Шовот тумани, Янгибозор тумани

«Сариқ» тоифадаги туман ва шаҳарлар: Урганч шаҳри, Гурлан тумани, Урганч тумани, Ҳазорасп тумани

«Қизил» тоифадаги туман ва шаҳарлар: йўқ

Тошкент шаҳри

«Яшил» тоифадаги туманлар: йўқ

«Сариқ» тоифадаги туманлар: Бектемир тумани, Мирзо Улуғбек тумани, Миробод тумани, Олмазор тумани, Сергели тумани, Учтепа тумани, Яшнобод тумани, Чилонзор тумани, Шайхонтоҳур тумани, Юнусобод тумани, Яккасарой тумани

«Қизил» тоифадаги туман ва шаҳарлар: йўқ

Санитария-эпидемиологик осойишталик агентлиги коронавирус инфекциясининг тарқалиш ҳолатининг ҳар бир туман (шаҳар) кесимидаги таҳлили, касаллик аниқланган беморларнинг даволаниш (соғайиш) динамикаси ҳолатидан келиб чиққан ҳолда, туман (шаҳар)ларнинг тоифасини ўзгартириш юзасидан доимий равишда Қорақалпоғистон Республикаси Вазирлар Кенгаши ва вилоятлар ҳокимликларига таклиф киритиб боради.

Туман ва шаҳарларда уларнинг тоифасидан келиб чиққан ҳолда Қорақалпоғистон Республикаси, вилоятлар ва Тошкент шаҳри учун амалга оширилиши назарда тутилган фаолият турларига рухсат берилади.

Муайян туман (шаҳар) «қизил» тоифага ўтказилганда, тегишли ҳудуд (Қорақалпоғистон Республикаси ва вилоятлар) тоифасидан қатъи назар ушбу туман (шаҳар)да «қизил» тоифа учун назарда тутилган барча карантин чекловлари тўлиқ жорий этилади.

«Яшил» ва «сариқ» тоифадаги ҳудудларда савдо мажмуалари фаолиятига ижтимоий масофани сақлаган ҳолда рухсат берилади, бунда ушбу мажмуаларнинг аттракцион, кўнгилочар, овқатланиш бўлинмалари, кинотеатр ва ўйин майдончалари фаолиятига рухсат берилмайди.

Йўналишсиз таксиларда йўловчи ташишга ҳамда сартарошхона (гўзаллик салонлари) фаолият юритишига фақатгина Қорақалпоғистон Республикаси, вилоятлар ва Тошкент шаҳри кесимида «яшил» ва «сариқ» тоифадаги ҳудудлардагина рухсат берилади.

Агарда муайян ҳудуд «қизил» тоифага кириб, унинг таркибидаги туман (шаҳар)лар «сариқ» ва «яшил» тоифаларга кирган тақдирда, ушбу туман (шаҳарлар)да йўналишсиз таксиларга йўловчи ташишга ҳамда сартарошхона (гўзаллик салонлари) фаолият юритишига йўл қўйилмайди.

Туман (шаҳар)ларни тегишли тоифаларга ажратган ҳолда босқичма-босқич бекор қилишда қуйидаги талаблар сақлаб қолинади:

  • ижтимоий масофа (2 метр)ни сақлаш, 3 кишидан ортиқ йиғилмаслик, фуқароларнинг тиббий ниқобдан ҳамда антисептик воситалардан фойдаланиши;
  • таълим ташкилотлари (боғча, мактаб, лицей, коллеж, техникум, институт, университет ва бошқалар), ўқув курслари фаолиятини йўлга қўймаслик;
  • кўнгилочар объектлар – тунги клублар, дискотека, ресторан, кафе, ошхона, чойхона, спа ва массаж салонлар, караоке, бильярд заллари, чилим (кальян) ва компьютер ўйинлари марказлари фаолиятига йўл қўймаслик;
  • барча турдаги оммавий тадбирлар – концерт, театр, кинотеатр, музей, спорт тадбирлари, оилавий тантана, тўй, маърака ва маросимларни (дафн маросимлари 10-15 кишидан кўп бўлмаган ҳоллар бундан мустасно) ўтказмаслик;
  • жамоат транспорти ҳаракатига рухсат бермаслик;
  • деҳқон бозорлари ва озиқ-овқат савдо нуқталари (супермаркет ва бошқа йирик дўконлар) кириш-чиқиш жойларини пирометрлар ва антисептик воситалар билан жиҳозлаш ҳамда ҳар бир фуқаронинг тана ҳароратини ўлчаб, 37 °С ва ундан юқори бўлган ҳолатда, ушбу мажмуаларга киритмаслик чораларини кўриш;
  • барча ташкилотлар кириш-чиқиш жойларини пирометрлар ва антисептик воситалар билан таъминлаш ҳамда ходимлар томонидан ижтимоий масофа (2 метр)ни сақлаган ҳолда фаолият юритишини таъминлаш учун биринчи раҳбарлар шахсан масъуллиги;
  • қурилиш-таъмирлаш ишларида объектларнинг ҳудуди тўлиқ карантинга олиниши ва ҳудудий санитария-эпидемиология осойишталик марказлари билан биргаликда объектларда санитария-гигиена тадбирларининг амалга оширилиб борилиши. Бунда, ушбу ташкилотларнинг фаолият олиб бориш даврида санитария ва гигиена қоидаларига тўлиқ риоя қилиши, ўз фаолиятини фақатгина тегишли объект ҳудуди доирасида ташкил этиши.

Ўз навбатида, «қизил» тоифага кирувчи ҳудудларда карантин чекловлари талабларини бажармаслик, шунингдек «яшил» ва «сариқ» тоифага кирувчи ҳудудларда рухсат берилган фаолият турларини ўрнатилган махсус талабларга риоя этмаган ҳолда амалга ошириш тегишли жавобгарликка сабаб бўлади.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top