Qoʻshimcha funksionallar
-
Tungi ko‘rinish
Atamboyev 11 yilga qamaldi. Undan davlat mukofotlari ham olib qo‘yiladi
Qirg‘izistonning sobiq prezidenti Almazbek Atamboyev jinoyatchi Aziz Batukayevni pora evaziga qamoqdan chiqargan deb topilib 11 yil-u 2 oyga qamoq jazosiga hukm qilindi.

© RIA Novosti / Vladimir Astapkovich
«Sud Atamboyevni aybdor deb topdi va 11 yil-u 2 oy muddatga ozodlikdan mahrum etish jazosini belgiladi. Uning davlat mukofotlari va mol-mulki musodara qilinadi», deya ayblovni o‘qib eshittirgan Bishkekning Birinchi may tuman sudi sudyasi.
Prokuror sobiq prezidentga 15 yillik qamoq jazosi va mol-mulkini musodara qilishni so‘ragandi.
Atamboyev sudda oxirgi so‘zni aytishdan bosh tortgan. U bilan birga ayblanayotganlardan hech biri aybini bo‘yniga olmagan.
Atamboyev 2011 yil dekabridan 2017 yil noyabrigacha mamlakatni boshqargan. U 2005 yildagi «lola inqilobi» ishtirokchilaridan biri bo‘lgan, o‘shanda u avvaliga vazir, keyin hukumat rahbari lavozimlarini egallagan. U 2011 yilgi prezidentlik saylovlarida g‘olib chiqib, bosh vazirlikdan prezidentlikka o‘tgan. Bu u prezidentlik saylovida uchinchi bor ishtirok etishi bo‘lgandi.
2017 yilda hokimiyatga Atamboyevning partiyadoshi Sooronbay Jeenbekov uning davomchisi sifatida keldi.
BBC ekspertlari fikricha, ikki siyosatchi o‘rtasidagi kichik nizo keyinchalik jiddiy qarama-qarshilikka aylangan, Atamboyev jamoasidagi bir necha kishi jinoiy ish doirasida qo‘lga olingach ziddiyat yanada keskinlashgandi.
Jeenbekov sobiq prezidentni jinoiy javobgarlikka tortishga yo‘l beruvchi qonunni imzolagan. Ko‘p o‘tmay Atamboyevga nisbatan korrupsiya bo‘yicha ayblovlar ilgari surilgan. Parlament qaroriga ko‘ra undan daxlsizlik huquqi olib qo‘yilgan, u bu jarayonni siyosiy sabablarga ko‘ra ta'qib etish sifatida baholab, so‘rovlarga borishdan bosh tortgandi.
Millati chechen bo‘lgan «kriminal avtoritet» Aziz Batukayev 2004 yil qamalgandi. U uzoq yillik qamoq jazosini o‘tayotgan vaqtda 2013 yil ozodlikka chiqariladi. Rasmiy ma'lumotlarda uning salomatligidagi muammo sabab ozod qilingani aytiladi. 2013 yilning o‘zida Qirg‘izistonda bu ish bo‘yicha surishtiruv boshlangan va asosiy aybdor sifatida ombudsman rahbari Tursunbek Akun aytilgandi. Ammo surishtiruv ishlari to‘xtatib qo‘yilgan.
2019 yil prezident Sooronbay Jeenbekov topshirig‘i bilan surishtiruv ishlari tiklanib ish doirasida sobiq sog‘liqni saqlash vaziri va sobiq bosh prokuror qo‘lga olingandi.
O‘tgan yilning 8 avgustida Atamboyev Qo‘y-Toshdagi uyida Qirg‘iziston xavfsizlik kuchlari o‘tkazgan operatsiya doirasida qo‘lga olingandi.
Tavsiya etamiz
Alyaskadagi muzokaralar: Putin nima talab qiladi va Trampga nima kerak?
Jahon | 12:26 / 12.08.2025
Yil uchrashuvi: Alyaskada nima bo‘ladi?
Jahon | 20:43 / 11.08.2025
Ozarboyjon Ukrainaga 2 mln dollarlik yordam ajratdi
Jahon | 19:53 / 11.08.2025
«Paxtakor-79». To‘lagan Isoqov va Dmitriy Anning xotiralari
Sport | 15:53 / 11.08.2025
So‘nggi yangiliklar
-
Telegraph: Tramp Rossiyaga Alyaskada minerallar qazib olishni taklif qilmoqchi
Jahon | 01:13
-
Ukraina Pokrovsk atrofidagi hududlardan aholini evakuatsiya qilishni boshladi – OAV
Jahon | 00:41
-
Jennifer Lopesning Qozog‘istondagi konsertlari mamlakatga 12 ming sayyohni olib kelgani aytildi
Jahon | 00:28
-
Yakuniy tanlov natijalari (mandat) e’lon qilindi
Ta’lim | 00:13
Mavzuga oid

08:00 / 12.08.2025
Qirg‘izistonda mol va qo‘y go‘shti narxi davlat nazoratiga olindi

22:16 / 11.08.2025
Qirg‘izistonda davlat tilidan foydalanishga qo‘yiladigan talablar kuchaytirildi

13:59 / 11.08.2025
O‘zbekiston qurg‘oqchilikni bartaraf qilish uchun Qozog‘istonga suv yuboradi

07:57 / 09.08.2025