Qoʻshimcha funksionallar
-
Tungi ko‘rinish
Belarusdagi norozilik namoyishlari ishtirokchilariga yirik jarimalar solinmoqda
Belarusda prezident saylovlari kampaniyasi vaqtida qo‘lga olingan siyosatchilar va faollar bilan birdamlik aksiyasi ishtirokchilari yirik jarimalar bilan jazolanmoqda. Bu haqda Belarusning “Vesna” huquqni himoya qilish markazi ma'lum qildi.
Foto: STR / AP Photo
Namoyishlar ishtirokchilariga 570 dollargacha jarima solinmoqda. Huquq himoyachilarining ma'lumotlariga ko‘ra, namoyishchilar butun mamlakat bo‘ylab javobgarlikka tortilmoqda. Ular ustidan sudlar paoytaxt Minsk, Vitebsk, Mogilev, Bobruysk va boshqa shaharlarda bo‘lib o‘tgan.
Umumiy hisobda ma'muriy ishlar bo‘yicha 80 kishi o‘tmoqda. Ular asosan noqonuniy ommaviy tadbirlar o‘tkazishda hamda militsiya xodimlari ko‘rsatmalariga bo‘ysunmaslikda ayblanmoqda.
Namoyishlarning ba'zi ishtirokchilariga ma'muriy hibsga olish qo‘llanmoqda, biroq ularning aksariyati jarimaga tortilmoqda. Minskda bu jarimalarning qiymati 170-568 dollarni, hududlarda 45-398 dollarni tashkil qilmoqda.
O‘tgan hafta Minsk va Belarusning boshqa shaharlarida prezident saylovlariga muqobil nomzodlar qo‘llab-quvvatloviga aksiyalar o‘tgan. Odamlar jonli zanjir hosil qilib, norozilik bildirishgan. 270 ga yaqin namoyishchi hibsga olingan.
Belarusda 9 avgustda prezident saylovlari bo‘lib o‘tadi. Mamlakatning amaldagi prezidenti Aleksandr Lukashenko ham saylovlarda ishtirok etib, 6-muddatga saylanishi mumkin.
Belarus-2020
Mavzuga oid
10:44 / 18.12.2025
Rossiyada 31 o‘zbekistonlik talabaga qo‘yilgan jarima bekor qilindi
11:12 / 12.12.2025
Yevropa sudi Gurjistonni namoyishchilarga nisbatan zo‘ravonlikda aybdor deb topdi
10:55 / 13.11.2025
Toshkent shahri va viloyatida atmosferaga zarar yetkazayotgan 100 dan ortiq xo‘jalik faoliyati to‘xtatildi
14:47 / 10.11.2025