Dunyoning eng sovuq shahrida rekord darajada issiq harorat qayd etildi

CBS telekanali meteorologi Jyeff Beradelli Sibirdagi ushbu haroratni Mayamidagi ob-havoga qiyoslagan. “Bu Arktikada qayd qilingan eng yuqori havo harorati bo‘lsa kerak. Hattoki Mayamida ham harorat 38 darajagacha bir martagina ko‘tarilgan. Biroq buning sababi, Mayami okean bo‘yida joylashganidadir. Rosti, uncha to‘g‘ri bo‘lmagan qiyoslash, chunki yer suvga qaraganda tezroq qiziydi, dengizdan esuvchi shamol esa Mayamini sovutib turadi. Biroq shunga qaramay, bu ishonish qiyin bo‘lgan qiziq faktdir”, deb aytgan Beradelli. 

Verxoyansk dunyoning eng sovuq shahri deb ataladi. Bu yerda eng past harorat –  minus 67,7 daraja sovuq 1892 yil fevralida qayd etilgan. Shuningdek, shahar eng ekstremal harorat diapozoniga egaligi evaziga Ginness rekordlar kitobiga kiritilgan. Bu yerda harorat qishda minus 67 darajadan yozda +37,2 darajagacha (avvalgi harorat rekordi) o‘zgaradi.  

Yoqutiston bosh meteorologining ta'kidlashicha, respublikaning shimoliy hududlari uchun yozgi vaqtda 30 daraja issiq normal holat bo‘lsa-da, bunday yuqori haroratlar iyun emas, ko‘proq iyul uchun xos hisoblanadi.

“Tez orada barchasi o‘z joyiga tushadi. Issiq qaytib, 26-27 iyunda u yerda sovuq siklon harakatlanadi. Shunda Verxoyanskda harorat plyus 15 darajagacha soviydi, shuningdek, ho‘l qor ko‘rinishida yog‘ingarchilik bo‘lishi ham mumkin”, deb aytgan Yoqutistonning gidrometeorologiya va atrof-muhitni monitoring qilish boshqarmasi boshlig‘i Tatyana Marshalik.