08:13 / 25.06.2020
4961
Покистонда коронавирусдан соғайганлар қони хуфиёна сотилмоқда 

Покистонда қора бозорда коронавирусдан соғайиб кетганлар қони 950 дан 3000 фунт стерлинггача сотилмоқда. Коронавирусга чалинганлар оилалари бундай йирик пулни тўлашга тайёрлар: улар айнан ушбу “мўъжизавий восита” яқинлари ҳаётини сақлаб қолишига ишонишмоқда.

Маҳаллий тиббий ходимлар The Guardian нашрига берган интервьюда коронавирусга чалинганлар ва вирусдан тузалганлар яқинлари ўртасида қон олди-сотдиси қандай кечишини сўзлаб беришган

“Шифохоналар бунда иштирок этмайди, бироқ келишувлар кўз ўнгимда тузилган. Беморларнинг яқинлари ёки қариндошлари соғайганлар олдига келиб, улардан қон донори бўлишни сўрашади. Сўнгра улар хусусий лабораторияга бориб, “донор” қондан зардоб олишади”, деб сўзлаб берган Исломободдаги давлат шифохонаси шифокори журналистларга.

Бу орада покистонлик шифокорлар шифохоналарда дори-дармон тугаб бораётганини айтишмоқда. Беморлар учун ҳаётий муҳим бўлган дори-дармонсиз вазиятда вирусдан тузалганларнинг қон зардоби ҳақиқий “мўъжизавий восита” ҳисобланади.  

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top