«Koronavirus sabab respublikamizning barcha viloyatlarida karantin cheklovlari o‘rnatildi. Buning asosiy sabab COVID-19 bilan kasallanganlarning soni keskin oshib ketishi bilan bog‘liq. Bugun hech kim virus bizning shahrimizga, tumanimizga, mahallamizga kelmagan deb kafolat bera olmaydi.
Jumladan, Davergeodezkadastr qo‘mitasi tizimida 10 mingdan ortiq xodimlar faoliyat olib borsa, bugungacha 6 ta (Toshkent viloyatida 3 ta, Xorazm viloyatida 2 ta, Qashqadaryo viloyatida 1 ta) xodimda ushbu virus aniqlangan va karantinga olingan. Hozir mazkur xodimlarimizning 2 tasi to‘liq sog‘aygan, 4 tasi shifoxonada statsionar holatda davolanish jarayonida», deyiladi rasmiy xabarda.
Koronavirus infeksiyasi yanada keng tarqalishining oldini olish maqsadida «Davergeodezkadastr» qo‘mitasi bir qator xizmatlardan davlat idorasiga kelmasdan masofadan turib foydalanishni taklif etmoqda. Buning uchun internet bo‘lsa kifoya. Taklif etilayotgan xizmatlardan qo‘mitaning rasmiy veb-sayti va Yagona interaktiv davlat xizmatlari portali orqali foydalanishingiz mumkin.
Masofadan turib foydalanish mumkin bo‘lgan kadastr xizmatlari ro‘yxati:
1. Ko‘chmas mulk obektlariga bo‘lgan huquqlarni davlat ro‘yxatidan o‘tkazishga ariza yuborish;
2. Kadastr pasportini shakllantirish;
3. Fuqarolarning nomida shaxsiy uy-joyi borligi yoki yo‘qligi to‘g‘risidagi ma'lumotnoma olish;
4. Turar joyni noturar joy toifasiga o‘tkazishga qarorni olish;
5. Bino va inshootning tashqi ko‘rinishini o‘zgartirishni
