09:10 / 18.08.2020
3273
Суперлига. ОКМК 1-поғонага чиқиб олди, «Насаф» ва «Бунёдкор»да ҳам ғалаба

17 август куни Ўзбекистон чемпионатининг 10-туридан ўрин олган бир қанча ўйинлар бўлиб ўтди.

ОКМК «Локомотив» устидан иродали ғалабани қўлга киритди. Дастлаб Суҳроб Султонов ўз дарвозасига тўп киритиб қўйган бўлса, иккинчи бўлим бошида олмалиқликлар легионери Йован Жокич мувозанатни тиклади. Ўйиннинг сўнгги дақиқаларида Зафар Полвонов ва Жасур Умаров томонидан урилган голлар Миржалол Қосимов жамоасига 3 очко келтирди. Ғалабадан сўнг ОКМК очколарини 24тага етказиб, 1-ўринга чиқиб олди. «Темирйўлчилар» 12 очко билан 8-поғонага жойлашишган.

«Бунёдкор» Олмалиқда  «Металлург» устидан ишончли ғалабани қўлга киритди. Нурилло Тўхтасиновнинг дубли «қалдирғочлар»га 3 очко келтирди. Ғалабадан сўнг «Бунёдкор» очколарини 20тага етказиб, 3-ўринни мустаҳкамлаб олди. «Металлург» эса 16 очко билан 7-поғонага тушиб кетди.

Бекободда ўтказилган беллашувда Қаршининг «Насаф» жамоаси Жиззахнинг «Сўғдиёна» клуби устидан йирик ҳисобда зафар қучди. Ислом Кенжабоев, Бобур Абдихолиқов ва захирадан майдонга тушган Ҳусаин Норчаевнинг киритган тўплари воҳаликлар ғалабасини таъминлади. Ушбу ғалабадан кейин «Насаф» очколари сонини 19тага етказиб, Суперлига турнир жадвалида 4-ўринга чиқиб олди. «Сўғдиёна» эса 11 очко билан 9-ўринда қолди.

Суперлига, 10-тур, 17 август
ОКМК – Локомотив 3:1
Тошкент, «Бунёдкор» стадиони

Ҳакамлар: Фирдавс Норсафаров, Расул Фозилов, Максим Нехочин, Фарруҳ Янсупов.
Голлар: Йован Жокич (47), Зафар Полвонов (88), Жасур Умаров  (90+1) – Суҳроб Султонов (36, автогол).
ОКМК: Суҳроб Султонов, Акмал Шораҳмедов (Мирғиёс Сулаймонов, 84), Дилшод Жўраев, Сардор Раҳмонов, Сайдулло Раҳматов, Йован Жокич, Миржамол Қосимов (Шаҳзод Нурматов, 84), Баҳром Абдураҳимов (Санжар Турсунов, 46, Жасур Умаров, 90), Арслонмурод Аманов (Мурод Тошматов, 74), Зафар Полвонов, Ҳожимат Эркинов.
Локомотив: Жавоҳир Илёсов, Шуҳрат Муҳаммадиев, Каха Махарадзе, Фарруҳ Иброҳимов, Шерзод Файзиев, Диёр Туропов, Вадим Афонин (Иброҳим Ғанихонов, 74), Аваз Ўлмасалиев, Жавоҳир Алижонов (Даврон Умиров, 60), Темурхўжа Абдухолиқов, Марат Бикмаев.

Бунёдкор – Металлург 2:0
Олмалиқ, ОКМК спорт мажмуаси

Ҳакамлар: Вадим Агишев, Ҳусниддин Шодмонов, Султонмурод Улфатов.
Голлар: Нурилло Тўхтасинов (53, 59).
Бунёдкор: Абдумавлон Абдулжалилов, Ислом Қобилов, Иброҳимҳалил Йўлдошев, Анвар Ғофуров, Лутфулла Тўраев, Санжар Қодирқулов, Нурилло Тўхтасинов (Суҳроб Иззатов, 90+2), Абдулла Абдуллаев, Асад Азимжонов (Фаррух Икромов, 23), Валерий Акопов (Селим Нурмурадов, 69), Шаҳбоз Эркинов (Миржаҳон Мираҳмадов, 69).
Металлург: Александр Лобанов, Аббос Отахонов, Дониёр Нарзуллаев (Тўлқин Эргашев, 77), Саламат Қуттибоев, Шаҳзод Убайдуллаев (Мурод Бобожонов, 82), Худойшукур Сатторов (Одил Абдулмажидов, 46), Камолиддин Тожиев, Абдураҳмон Абдулҳақов (Аброр Тошқўзиев, 46), Ихтиёр Тошпўлатов, Станислав Андреев, Даврон Анваров (Зоҳид Абдуллаев, 65).
Огоҳлантиришлар: Одил Абдулмажидов (52), Зоҳид Абдуллаев (90+4).

«Насаф» - «Сўғдиёна» - 3:0
Бекобод, «Металлург» стадиони

Ҳакамлар: Аскер Нажафалиев, Олим Абудувосилов, Бахтиёрхўжа Шавкатов, Санжар Назаров.
Голлар: Ислом Кенжабоев (15, пенальти), Бобур Абдихолиқов (36), Ҳусаин Норчаев (90).
Насаф: Абдувоҳид Нематов, Ғолиб Ғайбуллаев (Ҳусниддин Алиқулов, 75), Дилшод Саитов (Жўрабек Маннонов, 75), Бобур Абдихолиқов, Шароф Муҳитдинов, Ислом Кенжабоев (Дилшод Раҳматуллаев, 70), Акмал Мозговой (Ҳусаин Норчаев, 70), Шерзод Насруллаев, Ойбек Бозоров (Муҳриддин Зоиров, 87), Марко Станоевич, Умар Эшмуродов.
Сўғдиёна: Милан Митрович, Сардор Қулматов (Шавкат Муллажонов, 46), Элёр Орипов, Санжар Рашидов (Даниэль Насриддинов, 65), Жамшид Болтабаев, Шоҳруз Норхонов (Баҳодир Насимов, 65), 11.Жасур Ҳасанов, Санъат Шихов, 21. Саҳоб Рашидов (Жавоҳир Қаҳрамонов, 46), Шаҳбоз Жўрабеков (Аюбхон Нўмонов, 39), Марко Колакович.

Мавзу
Суперлига
8 март куни футбол бўйича Ўзбекистон чемпионатининг янги мавсумига - Суперлига-2019 турнирига старт берилди
Барчаси
Top