07:44 / 22.08.2020
58424
Абитуриентларга рухсатнома бериш бошланди 

Фуқаролик паспорти бўлмаган тақдирда абитуриент рухсатномаси ҳақиқий деб ҳисобланмайди.

Абитуриентларга рухсатномалар бериш бошланди. Бу ҳақда Давлат тест маркази хабар қилди.

Абитуриентлар тест синовларида иштирок этиш учун «Абитуриент рухсатномаси»ни шахсий кабинет (abitur.dtm.uz)дан олишлари мумкин.

ДТМ абитуриентлардан рухсатномаларни август ойи якунига қадар юклаб олиб, чоп этиб олишни сўраган.

Мазкур рухсатнома тест синовларида иштирок этадиган абитуриентларга берилади.

«Абитуриент рухсатномаси» тест синовларисиз тўлиқ касбий (ижодий) имтиҳон бўладиган таълим йўналишларига рўйхатдан ўтган абитуриентларга берилмайди.

Абитуриентлар тест синовларига фуқаролик паспорти ва абитуриент рухсатномаси билан келишлари лозим.

Фуқаролик паспорти бўлмаган тақдирда абитуриент рухсатномаси ҳақиқий деб ҳисобланмайди.

Мавзу
Абитуриент-2020
20 июнь куни ОТМларга ҳужжат қабул қилиш бошланди. Имтиҳонлар 1 август куни бошланиши режалаштирилмоқда.
Барчаси
Top