10:48 / 27.09.2020
9416
Коронавирусни токсик заҳарланишдаги каби даволаш таклиф этилди

Олимларнинг фикрича, коронавирус гемотоксик таъсирга эга бўлиб, бунда гемоглобин молекулаларидан икки валентли темир атоми сиқиб чиқарилади. У эса қонга тушиб, томирлар девори ва ички аъзоларнинг зарарланишига олиб келади. 

Фото: Getty Images

Санкт-Петербургдаги И.И.Жанелидзе номидаги тез ёрдам илмий-тадқиқот институти олимлари коронавирус келтириб чиқарган оғир шаклдаги касалликни қонда эркин темир даражаси ошишига олиб келувчи токсик заҳарланишдаги каби даволаш мумкинлигини айтишмоқда.   

Таъкидланишича, олимлар бундай хулосага Хитойнинг Ибин университети ва Сичуан фан ва техника университети олимлари илгари сурган фараз асосида келишди. Хитойлик олимларнинг фикрича, коронавирус гемотоксик таъсирга эга бўлиб, бунда гемоглобин молекулаларидан икки валентли темир атоми сиқиб чиқарилади. У эса қонга тушиб, томирлар девори, сўнгра ички аъзоларнинг зарарланишига олиб келади. Эркин темирнинг меъёридан кўплиги капилляр сизиб чиқиш, яъни қон зардобининг томирлар девори орқали чиқиб кетишига олиб келади. Бунинг натижасида тўқималарга етказилувчи кислород оқими камаяди. Коронавирус инфекцияси оғир кечаётган беморларда айнан шу симптомлар кузатилаётгани сабаб олимлар инфекцияни гемолитик заҳарлар билан заҳарланишдаги каби даволашни таклиф қилишмоқда.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top