00:01 / 13.11.2020
3071
Ливия соҳиллари яқинида кема чўкиши оқибатида 74 муҳожир ҳалок бўлди

Ливия соҳиллари яқинида муҳожирлар кемаси чўкиши оқибатида камида 74 киши ҳалок бўлди. Бу ҳақда Халқаро миграция ташкилотида маълум қилинди.

Фото: Getty Images

Маълумотларга кўра, фожиа Хомс шаҳри яқинида юз берган. Кема бортида 120дан кўпроқ киши бўлган. Улардан 47 нафари соҳилбўйи қўриқлаш хизмати ва маҳаллий балиқчилар томонидан соҳилга олиб чиқилган. Қутқарувчилар айни вақтда 31 кишининг жасадини топишган, қолган қурбонлар қидирилиши давом этмоқда. 

“Биз Ливия ва Ўрта ер денгизига нисбатан самарасиз ёндашувнинг ўзгартирилишини анчадан бери талаб қилиб келамиз. Минглаб ожиз одамлар денгиздаги ва қуруқликдаги ҳаракатсизликка катта ҳақ тўламоқда”, деб айтган Халқаро миграция ташкилотининг Ливиядаги миссияси раҳбари Федерико Сода.

Ташкилотда таъкидланишича, жорий йилнинг ўзида Ўрта ер денгизида 900 киши Европага етиб олиш илинжида ҳалок бўлган. Ливияни тарк этишга уринган 11 мингдан кўпроқ киши яна ортига қайтарилган. 

Top