Inshootlar seysmik mustahkamligini ta'minlash konsepsiyasi tasdiqlanadi

Vazirlar Mahkamasining “Seysmologiya, inshootlarning seysmik mustahkamligini va seysmik xavfsizlikni ta'minlash sohasini 2030 yilgacha rivojlantirish konsepsiyasini tasdiqlash to‘g‘risida”gi qarori loyihasi e'lon qilindi.

Qayd etilishicha, qaror loyihasi prezidentning “O‘zbekiston Respublikasi aholisi va hududining seysmik xavfsizligini ta'minlash tizimini tubdan takomillashtirish chora-tadbirlari to‘g‘risida” 2020 yil 30 iyuldagi PQ–4794-son qarori ijrosini ta'minlash maqsadida ishlab chiqilgan.

Fanlar akademiyasi, Favqulodda vaziyatlar vazirligi, Qurilish vazirligining Seysmologiya, inshootlarning seysmik mustahkamligini va seysmik xavfsizlikni ta'minlash sohasini 2030 yilgacha rivojlantirish konsepsiyasini tasdiqlash to‘g‘risidagi taklifi berilgan va uni tasdiqlash taklif qilingan.

Bundan tashqari:

Seysmologiya, inshootlarning seysmik mustahkamligini va seysmik xavfsizlikni ta'minlash sohasini 2030 yilgacha rivojlantirish konsepsiyasi hamda konsepsiyaning maqsadli ko‘rsatkichlari va indikatorlari;

Seysmologiya, inshootlarning seysmik mustahkamligini va seysmik xavfsizlikni ta'minlash sohasini 2030 yilgacha rivojlantirish konsepsiyasida belgilangan vazifalarni amalga oshirish bo‘yicha “Yo‘l xaritasi”ni tasdiqlash taklif qilingan.

Konsepsiya O‘zbekistonda seysmologiya, inshootlar seysmik mustahkamligini va seysmik xavfsizlikni ta'minlash sohasini rivojlantirishning strategik maqsadlari, ustuvor yo‘nalishlari, vazifalari, o‘rta va uzoq muddatli istiqboldagi rejalarini belgilaydi hamda sohaga oid dasturlar va kompleks chora-tadbirlar ishlab chiqish uchun asos bo‘ladi.

Seysmologiya, inshootlar seysmik mustahkamligini va seysmik xavfsizlikni ta'minlash sohasidagi davlat siyosati mamlakat, mintaqalar va tarmoqlar bo‘yicha dasturlarni muvaffaqiyatli amalga oshirishni ta'minlash maqsadida innovatsiyalar, investitsiyalar va ilmiy-texnik resurslardan samarali foydalanish orqali tarmoq salohiyatini oshirishga yo‘naltirilgani aytiladi.

Konsepsiya jahon tendensiyalarini o‘rganish asosida seysmologiya, inshootlar seysmik mustahkamligi va seysmik xavfsizlik sohasidagi 2030 yilgacha rivojlantirish maqsadlari va vazifalarini isloh qilish yo‘nalishlarini belgilaydi.