Chevrolet Tracker'нинг янги модели нархи 166,9 млн сўмдан 240 млн сўмгача деб белгиланди. Equinox'нинг эса 299 млн ва 414 млн сўмлик икки хил модификацияси олиб келиб сотилади.

Chevrolet Equinox / Фото: UzAuto Motors

UzAuto Motors компанияси Chevrolet Equinox ва Tracker моделларига шартномалар тузиш бошланганини маълум қилди.

Қайд этилишича, янгиланган Chevrolet Tracker LT ва RedLine комплектацияси климат-контрол, ҳайдовчи ўриндиғида электрон бошқарув ва сунъий тери билан қопланган ўриндиқлари билан аввалги моделлардан фарқланади.

Chevrolet Tracker (2021 йил модели)нинг нархлари қуйидагича белгиланган (нархлар ҚҚС билан кўрсатилган):

• бошланғич комплектация – 166 899 500 сўм;
• LT комплектация – 232 001 000 сўм;
• RedLine комплектация – 240 000 400 сўм.

Янгиланган Chevrolet Equinox RS комплектацияси тўлиқ светодиод оптика, мослашувчан круиз-контрол, орқа тарафдаги транспорт воситаларининг ҳаракати ҳақида огоҳлантириш каби функцияларга эга.

Chevrolet Equinox (2021 йил модели) нархлари, ҚҚС билан:

• бошланғич комплектация – 299 000 000 сўм;
• RS комплектацияси – 414 000 000 сўм.