«Gazprombank» va «VEB.RF» O‘zbekiston gaz-transport tizimini modernizatsiya qilishga 618 mln dollar ajratilishi masalasini ko‘rib chiqadi

«Gazprombank», «VEB.RF», Rossiya eksport kreditlari va investitsiyalarni sug‘urtalash agentligi O‘zbekiston Moliya vazirligi, Energetika vazirligi va «O‘ztransgaz» AJ bilan ko‘p tomonlama shartnoma imzoladi. Unda O‘zbekistonning gaz-transport tizimini modernizatsiya qilishni moliyalashtirish uchun 618 million dollargacha bo‘lgan hajmdagi kreditni taqdim etish masalasi ko‘rib chiqilishi belgilandi.

Foto: Getty Images

Tomonlar davlat-xususiy sheriklik shartlarida yoki loyihani moliyalashtirish asosida bitim tuzish imkoniyatini ko‘rib chiqadi. Kredit summasining kamida 50 foizi «VEB.RF» va Rossiya eksport kreditlari va investitsiyalarni sug‘urtalash agentligi talablariga muvofiq Rossiya mahsulotlari hamda xizmatlarini yetkazib berish uchun to‘lov sifatida sarflanadi.

«Gazprombank» 2017 yildan buyon O‘zbekistonda loyihalarni moliyalashtiradi va ushbu shartnoma o‘zbek kompaniyalari bilan sheriklik aloqalarining davomidir. Hujjat tashqi savdo operatsiyalarini qo‘llab-quvvatlashga va xalqaro moliyaviy xizmatlar bozorini rivojlantirishga qaratilgan bo‘lib, mahalliy mahsulotlarni tashqi bozorga yetkazib berishni rag‘batlantirish va Rossiya eksportchilarining raqobatbardosh mavqeyini mustahkamlash bo‘yicha Rossiya eksport kreditlari va investitsiyalarni sug‘urtalash agentligi bilan samarali hamkorlikning natijasi bo‘ldi», dedi «Gazprombank» boshqaruvi raisining o‘rinbosari Aleksey Belous.

«VEB.RF» Rossiya mahsulotlarini O‘zbekistonning neft va gaz sohasida ilgari surish uchun sharoit yaratmoqda - sindikatlangan kreditning kamida 50 foizi Rossiya mahsuloti va xizmatlarini eksportga yetkazib berish uchun to‘lovlarga sarflanadi», dedi «VEB.RF» boshqaruvi a'zosi Daniil Algulyan.

#gaz #Gazprombank #VEB.RF