Andijonda 3 oylik chaqalog‘ini 700 dollarga pullamoqchi bo‘lgan ayol qo‘lga olindi
Izboskanlik 2 nafar bolaning onasi G. va O. (erkak) kimdan ekanligi noma'lum bo‘lgan 3 oylik chaqalog‘ini sotishga urindi. Bu haqda «Qonun va ijro» nashri xabar berdi.
Qayd etilishicha, ushbu xabar tarqalib, kerakli idoralargacha yetib borgan. Shundan so‘ng ular yashayotgan xonadonga chaqaloqni ko‘rgani «er-xotin mijoz» keldi. Shu yerda G. va O. orqali «mijoz»ga qiz chaqalog‘ini 700 AQSh dollariga sotmoqchi ekanini bildirdi. Og‘zaki kelishuvdan so‘ng ular Andijon shahridagi «Daryotrans» yonida ko‘rishmoqchi bo‘ldi.
700 AQSh dollarini «mijoz»dan sanab olib, chaqaloqning tug‘ilganlik to‘g‘risidagi guvohnomasini berish vaqtida Bosh prokuratura huzuridagi Departamenti xodimlari ularni qo‘lga oldi.
Sud hukmi bilan O. 5 yil muddatga ozodlikdan mahrum etilgan.
Onaga esa yosh chaqaloq farzandi borligi, turmush o‘rtog‘i yo‘qligi, ular onasining mehriga muhtoj ekani hisobga olinib, Jinoyat kodeksining 72-moddasi (shartli hukm qilish) tatbiq qilingan holda shartli jazo tayinlangan.
Mavzuga oid
15:50 / 21.10.2024
Andijon va Toshkentda 1 mlrd so‘mdan ortiq “svet”dan noqonuniy foydalangan shaxslar ushlandi
10:54 / 20.10.2024
ETK montyori bilan til biriktirib elektrdan noqonuniy foydalangan shaxsga jinoyat ishi qo‘zg‘atildi
10:00 / 15.10.2024
BAA Toshkent - Andijon pulli yo‘lini qurish loyihasida ishtirok etishi mumkin
08:10 / 12.10.2024