Taloqtepadagi Eski FAP binosidagi holat

Ijtimoiy tarmoqlarda «Xo‘rlangan qishloq vrachlik punkti» degan izoh bilan Chiroqchi tumani Taloqtepa mahallasidagi eski bino suratlari e'lon qilingan. Mazkur holatga Qashqadaryo viloyat Sog‘liqni saqlash boshqarmasi axborot xizmati munosabat bildirdi.

Munosabatda yozilishicha, Chiroqchi tumani «Taloqtepa» MFY aholisiga «Sho‘rbozor» MFY hududidagi 64-oilaviy poliklinikaning «Harduri» MFYda joylashgan shoxobchasi tomonidan tibbiy xizmat ko‘rsatilmoqda. «Taloqtepa» MFY hududida joylashgan eski FAP (feldsherlik-akusherlik punkti) binosi tuman tibbiyot birlashmasi balansida turmaydi va hozirgi kunda faoliyat ko‘rsatmaydi.

Avvalroq,  «Eshikni mahkam ushlang, yo‘qsa, «Damas»dan tushib qolishingiz mumkin...» sarlavha bilan Chiroqchidagi shifoxona muammolari yoritilgandi.

Shuningdek, Yakkabog‘ tumanidagi shoshilinch tez tibbiy yordam punktiidagi holat e'lon qilingandi.