15:32 / 27.04.2021
3973
Фарғона шаҳар ҳокимининг икки нафар ўринбосари янгиланди
Фото: KUN.UZ

Фарғона шаҳар ҳокимига икки нафар ўринбосар тайинланди. Бу ҳақда Kun.uz’га ҳокимлик ахборот хизмати хабар берди. 

Азизбек Абдуллаев Абдуқаҳҳорович Фарғона шаҳар ҳокимининг тегишли буйруғи билан Фарғона шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар масалалари бўйича ўринбосари этиб тайинланди.

А.Абдуллаев 2020 йилдан шу кунга қадар вилоят Касбий таълимни ривожлантириш ва мувофиқлаштириш ҳудудий бошқармаси бошлиғи  ўринбосари лавозимида ишлаб келаётган эди.

Шунингдек, Фарҳоджон Абдиллазов Мўйдинович Фарғона шаҳар ҳокимининг тегишли буйруғи билан Фарғона шаҳар ҳокимининг ўринбосари, маҳалла ва оилани қўллаб-қувватлаш бўлими бошлиғи этиб тайинланди.

Ф.Абдиллазов 2018 йилдан шу кунга қадар Фарғона шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар масалалари бўйича ўринбосари лавозимларида ишлаб келаётган эди.

  • Эслатиб ўтамиз, президентнинг шу йил феврал ойида Фарғона вилоятига ташрифи ортидан Фарғона шаҳрининг тўртта сектор раҳбари — шаҳар ҳокими, прокурор, ИИБ бошлиғи ва туман солиқ инспекцияси раҳбари ўзгарганди.
Top