«Асосан хўжалик ва давлат корхоналари учун шифт, тарнов маҳсулотлари ишлаб чиқарамиз. Қўлдан келганча халққа хизмат қиляпмиз. «Брусчатка» маҳсулотлари ҳам ишлаб чиқаряпмиз. Тунука цехимизда 6-7 киши, «сезон»да эса 10 нафар ишчи ишлайди. Қишда буюртма кам бўлгани сабабли 4—6 киши ишлайди. Ёшликда устачилик қилиб юриб, маҳсулот тайёрлаш жараёнига ҳам қизиқиб ишлаб чиқариш цехи очдим.
Қишин-ёзин ҳам иш тўхтаб қолгани йўқ. Узлуксиз иш бўлиб турибди, Худога шукур. Қиш кунида ҳам ишчиларимизнинг қора қозонини қайнатиб турибмиз. Тунукадан ташқари яна бир иш қилмоқчи бўлдик. Жиянларимдан биргаликда тадбиркорлик қилиш таклифи тушди. Ҳар ким қўлидан келадиган ишга ёпишади-ку.
Ақлимиз етадигани шу бўлди. Ўтган йилдан буён «брусчатка» ишлаб чиқаришни йўлга қўйдик. У ҳам яхши кетди. Бу йил янгича кўринишдагисини ўйлаб топдик. Яқинда қуйишни бошлаймиз», — дейди Kun.uz мухбири билан суҳбатда тадбиркор Фарҳоджон Аҳмедов.