17:47 / 07.05.2021
4509
Ер юзида ҳар эллигинчи инсон коронавирус юқтиргани маълум қилинди

Ҳозирда айрим мамлакатларда пандемиянинг учинчи тўлқини қайд этилган бўлса, айрим давлатларда тўртинчи тўлқин ҳақида айтилмоқда. 

Ер аҳолисининг 2 фоизи коронавирус юқтирди, дея хабар бермоқда ТАСС агентлиги ўз ҳисоб-китобларига таяниб.

Маълум қилинишича, 7 млрд 795 млн кишилик дунё аҳолисидан 156 млн нафари касалликка чалинган.

Энг кўп касаллик юқтирганлар улуши аҳолиси нисбатан оз мамлакатларга тўғри келади. Андоррада аҳолининг 17 фоизи, Черногорияда 15,7 фоизи коронавирус юқтирган.

Ҳозирда айрим мамлакатларда пандемиянинг учинчи тўлқини қайд этилган бўлса, айрим давлатларда тўртинчи тўлқин ҳақида айтилмоқда.

Касаллик юқтириш ҳолатлари январ бошларида кескин авж олганди. Ўшанда суткасига 800 мингдан ортиқ ҳолат қайд этилганди. Аммо кейинроқ бу кўрсаткич қарийб икки бараварга камайди.

Баҳор келиши билан эса касаллик юқтириш ҳолатлари яна ўсди. 29 апрел куни бир суткада 904,7 мингта ҳолат қайд этилди.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top