Oliy attestatsiya komissiyasi ilmiy tadqiqotchilarni shubhali ilmiy jurnallardan ogohlantirdi

Shuningdek, Scopus platformasidan 2021 yilning aprel oyi holatiga ko‘ra chiqarib yuborilgan va ilmiy “g‘irrom” deb e'tirof etilgan jurnallar, ilmiy nashrlar ro‘yxati ilova qilingan.

«Discertatsiyalar sifatini oshirishda nashr ishlari, jumladan, ularning tegishli talablarga javob bergan ilmiy nashrlarda chop etilishi muhim ahamiyat kasb etadi. Shu jihatdan internet tarmoqlarida joylashtirilgan ma'lumotlarga asoslangan holda quyida keltirilgan “shubhali” nashrlarda maqolalarni chop etish uchun taqdim etishda ehtiyotkorlikka rioya qilish tavsiya etiladi», deyiladi OAK ma'lumotida.

Scopus platformasidan 2021 yilning aprel oyi holatiga chiqarilgan ilmiy nashrlar ro‘yxati bilan ushbu ilova orqali tanishish mumkin.

Avvalroq O‘zFA Matematika instituti direktor o‘rinbosari G‘olibjon Botirov 2020 yilda Scopus ma'lumotlar bazasidan chiqarib yuborilgan jurnallar va ularga eng ko‘p o‘zbek olimlari tomonidan maqolalar yuborilgani haqida ma'lumot berib, bu mamlakat ilmi uchun dahshatli belgi ekanini ta'kidlagan edi.

Shuningdek, 11 may kuni O‘zbekistondagi ilmiy jurnallarning xalqaro ma'lumotlar bazalariga kiritilishi yuzasidan bo‘lib o‘tgan davra suhbatida O‘zbekistondagi jurnallarning kuzatuvchilari soni kamligi, yaxshi ilmiy natijalar chop etilmasligi, jurnallarning veb-saytlari deyarli ishlamasligi, tahrir hay'ati asosan mahalliy olimlar ekani xorijlik ekspertlar tomonidan aytib o‘tilgan edi.