Qonliko‘lda radar va kameralar o‘rnatish huquqi savdoga chiqarildi

Qonliko‘l tumanida radar va kameralar o‘rnatish huquqi savdoga chiqarildi. Bu haqda IIV YHXBB axborot xizmati xabar berdi.

Ma'lum qilinishicha, ushbu lotda 3 ta intelektual videokamera va 3 ta statsionar radar o‘rnatilishi belgilangan. Sotiladigan joylar «Altinko‘l guzari» ko‘chasi va «G‘aresizlik» ko‘chalari kesishmasi hamda «G‘aresizlik» ko‘chasining o‘zida joylashgan.

Qonliko‘ldagi radar va kameralar o‘rnatish huquqining boshlang‘ich narxi 735 ming so‘m qilib belgilangan. Bundan tashqari  Qashqadaryo, Toshkent viloyatlarida ham radar o‘rnatish huquqlari sotilmoqda. 

Eslatib o‘tamiz, bundan oldin yo‘llardagi qoidabuzarliklarni aniqlash uchun xususiy kameralar o‘rnatish tartibi belgilangani haqida xabar bergandik.