Mir Arab oliy madrasasining ilk bitiruvchilari kuzatildi. Ular orasida Ramzan Qodirov ham bor

Kecha, 18 iyun kuni Buxorodagi Mir Arab oliy madrasasining birinchi bitiruvchilarini kuzatish marosimi bo‘lib o‘tdi.

Tadbirda jamoatchilik vakillari, viloyatdagi OTM rektorlari ishtirok etishdi. Ushbu oliy madrasa 2017 yilda tashkil etilgan va o‘sha yili talabalarni qabul qilgan edi. Joriy yilda 55 nafar bitiruvchi diniy ta'lim muassasasini tamomladi. 

Bitiruvchilar orasida Checheniston Respublikasi rahbari Ramzan Qodirov ham bor. U 2017 yil 17 oktabr kuni Buxoro viloyatiga tashrifi chog‘ida Mir Arab oliy madrasasiga qabul qilingan va o‘sha kuni darsda ham ishtirok etgan edi.