Andijonda YPX xodimini «Spark» kapotida sudragan haydovchi ushlandi

«Spark»ni do‘stining uyiga yashirib qo‘ygan haydovchi uzr so‘radi. Unga nisbatan jinoiy ish ochildi.

Ijtimoiy tarmoqlarda «Spark» haydovchisi YPX xodimining ustiga avtomobilni boshqargan video tarqalganligi haqida xabar bergan edik.

Voqea joyidan ketib qolgan haydovchi o‘z avtomobilini do‘stining uyiga yashirgani va avtomashina raqamini yechib qo‘ygani aniqlangan.

Ichki ishlar vazirligi Yo‘l harakati xavfsizligi Bosh boshqarmasi xabar berishicha, mazkur haydovchiga nisbatan Andijon shahar prokuraturasi tomonidan O‘zbekiston Respublikasi Jinoyat-kodeksining 219-moddasi 1-qismi bilan jinoyat ishi qo‘zg‘atilib, haydovchi Jinoyat Protsessual kodeksining 221-moddasi tartibida ushlandi.