Qamchiq dovonida «benzovoz» yonib ketishi oqibatida ikki kishi halok bo‘ldi

Toshkent–O‘sh xalqaro avtomobil yo‘li Qamchiq dovonining 260-kilometrida 1 iyul kuni soat 14:25da Farg‘ona vodiysi tomon harakatlanayotgan yoqilg‘i tashuvchi yuk mashinasida («benzovoz») yong‘in kelib chiqdi. Bu haqda Favqulodda vaziyatlar vazirligi axborot xizmati xabar bermoqda.

Qayd etilishicha, mazkur holat yuk mashina haydovchisining boshqaruvni yo‘qotishi oqibatida sodir bo‘lgan.

Vaziyat yuzaga kelgan joyga FVVning «Qamchiq» maxsus qidiruv yong‘in-qutqaruv boshqarmasi yetib borgan. Qutqaruvchilar yonib ketgan yuk mashinasini o‘chirgan.

Hodisa natijasida yoqilg‘i quyish mashinasining salonida bo‘lgan ikki kishi halok bo‘lgan.