10:24 / 13.07.2021
724
Жалолиддин Мангуберди ҳақида янги асар нашрдан чиқди

Маънавият ва маърифат марказининг Хоразм вилояти бўлими раҳбари, Урганч давлат университети тадқиқотчиси Бекзод Абдиримов покистонлик олим, доктор Васим Сажжад билан ҳамкорликда «Султон Жалолиддин Хоразмшоҳ Покистонда» номли китобни нашрга тайёрлади.

Ўзбек, инглиз ва урду тилларида чоп қилинган ушбу асарда Жалолиддин Мангубердининг 1221-1224 йиллардаги сиёсий-ҳарбий фаолияти билан бир қаторда Покистонда амалга оширган бунёдкорлик ишлари ҳақида ҳикоя  қилинади. 

Китобда буюк саркарданинг зафарли юришлари, сўнмас жасорати ҳақида тарихчилар учун янгилик бўлган қимматли маълумотлар келтирилган.

Шу йилнинг октябрь ойида Ўзбекистонда «Жалолиддин Мангуберди тарихининг янги саҳифаларини ўрганиш» мавзусида халқаро конференция ўтказиш режалаштирилган бўлиб, асар ушбу йирик анжуман олдидан   муносиб туҳфа бўлди.

Top