Qashqadaryo viloyati hokimligi «Nasaf» va «Sevinch» futbol jamoalariga mahalliy budjetdan pul ajratdi

Qashqadaryo viloyati hokimi Zoyir Mirzayevning qarori bilan «Nasaf» va «Sevinch» futbol jamoalariga mahalliy budjetdan pul ajratilgan. Buni viloyat hokimligi axborot xizmati rahbari Ahror Sodiqov tasdiqladi.

Ma'lum bo‘lishicha, joriy yil 19 iyul kuni Qashqadaryo viloyati hokimi Zoyir Mirzayevning 359-4-0Q/21-sonli qarori bilan «Nasaf» va «Sevinch» futbol klublariga sport kiyimlari va epikirovka sotib olish uchun mahalliy budjet pulidan 450 million so‘m ajratilgan.

Qarorda yozilishicha, ajratilgan umumiy summadan «Nasaf» futbol jamoasiga 200 million so‘m, «Sevinch» ayollar futbol jamoasiga esa 250 million so‘m mablag‘ beriladi.

Ma'lumot uchun, ancha yillardan buyon Qashqadaryodagi futbol jamoalarini, shu jumladan, «Nasaf» va «Sevinch» jamoalarini ham neft-gaz sohasida faoliyat olib boradigan davlat kompaniyalari mablag‘ bilan ta'minlab kelmoqda.

«Nasaf»da nima gaplar? Ro‘ziqul Berdiyev bilan suhbat

«Nasaf» o‘z stadionining nomlanish huquqini sotadi