Маълум қилинишича, департаментнинг Олот туман бўлими томонидан туман давлат архивида терговга қадар текширув ўтказилган. Текширув давомида туман давлат архиви масъул шахслари 11 та ҳолатда фуқароларга ер майдони ажратилгани тўғрисида сохта архив кўчирмалари ёзиб бергани аниқланган. Бунинг оқибатида фуқаролар томонидан сохта кўчирмалар давлат хизматлари марказига тақдим қилиниб, ўзбошимчалик билан эгаллаб олинган 1,65 га ер майдонига қурилган уй-жойларга асоссиз мулк ҳуқуқи эътироф этилган.
Ҳолат юзасидан Жиноят кодексининг 209-моддаси (мансаб сохтакорлиги) билан жиноят иши қўзғатилиб, тергов ҳаракатлари олиб борилмоқда.
Олдинроқ Бухорода 600 доллар эвазига фуқарога сохта ҳужжат тайёрлаб берган кадастр ходими ушланганди.
