Birinchi turda fransuzlar turnirning eng zerikarli jamoasiga yaqqol da'vogar sifatida o‘ynagan bo‘lsa, yakshanba kungi ularning ishtirokidagi o‘yin turnirni bezadi. «Uchranglilar» asosiy futbolchilarisiz turnirga kelishiga to‘g‘ri kelgan, pandemiya davrida klublar ularni qo‘yib yuborishni istamadi. Shu tufayli mudofaa chizig‘ida ulkan muammolar yuzaga kelgan, janubiy afrikaliklar shuning evaziga o‘yinda uch bor hisobda oldinda borishdi.
Ammo faxriy futbolchilar Fransiyani musobaqada qoldirdi, Jinyak — shubhasiz ikkinchi tur qahramoniga aylandi. U JCh-2010 va Yevro-2016da ishtirok etgan, ammo yirik turnirlarda gol urmagandi. Ammo hozir — Meksika ligasidag olti mavsumdan keyin — 35 yoshli forvard Tokioda het-trik rasmiylashtirdi. Bu Fransiya olimpiya termasi tarixidagi ikkinchi het-trik - birinchisi 1924 yilda qayd etilgandi. Bu turnirda Jinyak terma jamoaning barcha besh golida ishtirok etdi. To‘rt golni o‘zi urdi, arbitr tomonidan qo‘shib berilgan daqiqalarda Savane urgan g‘alaba goliga assistentlik qildi.
Bu guruhda shunday vaziyat yuzaga keldiki, pley-offning ikki ishtirokchisi ham yakuniy turda aniqlanadi. Startda yorqin o‘yin ko‘rsatgan Meksika ikkinchi o‘yinning 12-daqiqasiga kelib turnir mezbonlaridan ikki gol o‘tkazib yuborishdi, birinchi turda ham g‘alaba goliga mualliflik qilgan «Real» a'zosi Kubo bu o‘yinni ham golsiz tark etmadi, yaponlarning ikkinchi goli Doan hisobiga yozildi, u Kuboga golli pas bergandan keyin penaltini aniq ijro etdi.
S guruhi
Avstraliya U-23 – Ispaniya U-23 0:1 Gol: 0:1 – 81 Oyarsabal.
Avstraliya U-23 – Glover, Suttar, King, Deng (D`Agostino, 83), Makgri (Bakkus, 72), Atkinson, Arzani (Tilio, 63), Janro (Uots, 73), Uels (Roulz, 63), Dyuk, Metkalf.
Ispaniya U-23 – Unai Simon, Pau Torres, Erik Garsiya, Xil (Rafa Mir, 77), Pedri, Subimendi, Puado (Xil, 57), Olmo, Oyarsabal, Soler (Asensio, 68), Kukurelya.
Ogohlantirishlar: Xil (3), Uels (43), Makgri (52), Dyuk (57), Unai Simon (90), Atkinson (90).
«Qizil furiya» startdagi turda misrliklarga qarshi ko‘rsatilgan o‘yinni davom ettirdi (0:0). Jamoa har doimgidek to‘pga total egalik qildi va to‘pni tezroq harakatlantirish evaziga raqib darvozasi oldida xavfli vaziyatlar yaratdi. Masalan, birinchi bo‘limda Oyarsabalning zarbasi to‘singa tegdi. Ammo hujumlarni yakunlashda muammolar saqlanib qolmoqda. Goh so‘nggi chizgi yetishmadi, gol avstraliyaliklarning sariq devoridan o‘tgan zarbani darvozabon qaytardi.
Lekin o‘yin oxirida raqib baribir taslim qilindi - Oyarsabal Asensioning a'lo darajadagi uzatmasini bosh bilan darvozaga joylab qo‘ydi. Qaysidir ma'noda bu Ispaniya uchun tarixiy g‘alabaga aylandi, ispanlar o‘tgan safargi Olimpiadani o‘tkazib yuborgan, 2012 yil Londondagi o‘yinlarda guruh bosqichida atigi bir ochko to‘plagan. Ispaniyaning bu darajadagi turnirda qozonilgan so‘nggi g‘alabasi 21 yil muqaddam ro‘y bergan — 2000 yilgi turnir yarimfinalida AQSh ustidan (3:1), golsiz seriya esa 515 daqiqa davom etdi. Endi pley-offga chiqish uchun Argentinaga qarshi o‘yinda Luis de la Fuente jamoasini durang natija ham qanoatlantiradi.
Misr U-23 – Argentina U-23 0:1
Gol: 0:1 – 52 Medina.
Misr U-23 – Al-Shenavi, Al-Fotu, Al-Eraki (Fuad, 46), Hamdi, Galal (Maxer, 79), Hamdi (Adel, 60), Tavfiq, Subhi, Hegazi, Rayan, Muhsin (Muhammad, 60).
Argentina U-23 – Ledesma, Peres, de la Fuente, Medina, Barko (Ursi, 62), Bravo, Vera, Payyero (Belmonte, 79), Mak Allister (Almada, 89), Gaych (Ponse, 62), de la Vega.
Ogohlantirishlar: Ponse (72), Belmonte (84), de la Vega (84), Peres (86).
«Fir'avnlar» birinchi turda Ispaniyaga gol urishga imkon berishmagandi, yakshanba kungi o‘yinda esa ularning himoyadagi tartibli o‘yini argentinaliklarni qiynadi. Lekin ikkinchi bo‘limda janubiy amerikaliklar standart vaziyatdan qiyin golni urishga erishishdi. Burchak zarbasidan keyin uyushtirilgan kombinatsiya ustunga tegib qaytdi, ammo qaytgan to‘pni Medina darvozaga to‘g‘rilab qo‘ydi. Endi Argentinaning taqdiri yakuniy turda hal bo‘ladi - guruhdan chiqish uchun Ispaniyaga qarshi jang olib boriladi.
Favoritlarning ochko yo‘qotishi va nemischa xarakter
D guruhi
Braziliya U-23 – Kot-d`Ivuar U-23 0:0
Braziliya U-23 – Santos, Arana, Diyego Karlos, Nino, Dani Alves, Bruno Gimaraes, Duglas Luis, Antoni (Malkom, 74), Mateus Kunya (Martinelli, 74), Risharlison (Paulino, 79), Klaudino.
Kot-d`Ivuar U-23 – Tape, Dabila, Bayi, Diallo, Uattara (Kuao, 63), Kessie (Dumbiya, 90), Kuassi, Diallo (Kuame, 63), Gradel (Keyta, 90), Singo, Dao (Timit, 75).
Ogohlantirishlar: Diallo (19), Kuassi (65).
Chetlatish: Duglas Luis (14), Kuassi (79).
Ehtimol, Germaniya ustidan qozonilgan yorqin g‘alabadan keyin brazillar o‘zlarining qudratiga ko‘p ishonib yuborishgandir, ammo hammasi ular o‘ylaganchalik oson bo‘lib chiqmadi. Maydonda istalgan daqiqada istalgan ssenariy ro‘y berishi mumkin. Himoyachilarning xatosini to‘g‘rilashga uringan tayanch yarimhimoyachisi Duglas Luiz darvoza sari chopib borayotgan Daoning oyog‘iga tepishga majbur bo‘ldi va 14-daqiqadan boshlab «Selesao» bir kishi kam bo‘lib qoldi.
Tarkiblar teng bo‘lmagan holatda o‘yin kamida teng bo‘lishi tabiiy edi, o‘yinning ayrim qismlarida ivuarliklar son jihatdan ustunlikni tabloda ham aks ettirishga yaqin kelishdi. Faqat ikkinchi bo‘lim davomida brazillar tashabbusni o‘z qo‘llariga ola boshlashdi. Bunga 79-daqiqada Kuassi ikkinchi sariq kartochkani olib, tarkiblar tenglashishi ham sabab bo‘ldi. 10ga 10 kishi qolganda Andre Jardin jamoasi afrikaliklarni jarima maydoniga qamab qo‘yishdi, ammo baribir o‘yinda hisob ochilmay qoldi. 74-daqiqada o‘yinga qo‘shilgan Malkomning so‘nggi daqiqalarda bergan zarbasi darvoza to‘siniga tegdi.
Germaniya esa Shtefan Kuns boshchiligida yana bir nemischa xarakter ko‘rsatdi. Brazillarga qarshi o‘yinda bu ish bermagan bo‘lsa, Saudiyaga qarshi o‘yinda saviyadagi farqlar evaziga natijaga erishildi. Xuddi Fransiya kabi asosiy yetakchilarisiz qatnashayotgan Germaniyada ham himoyadagi muammolar ko‘rinib qolmoqda, qolaversa, jamoa doim birga o‘ynab yurgan futbolchilardan tashkil topmagan. Birinchi turdagi kabi bu o‘yinda ham nemislar bir kishi kam bo‘lib qolishdi — lekin 67-daqiqada Piper chetlatilganidan keyin ham g‘alaba golini urishga muvaffaq bo‘lishdi, burchak zarbasi ijro etilganda himoyachi Uduokxaya boshi bilan aniq zarba yo‘llab, jamoasiga g‘alaba keltirdi. Braziliya qatorasiga ikkinchi marta ochko yo‘qotishi deyarli imkonsiz ish ekani hisobga olinsa, oxirgi turda Kuns shogirdlari Kot-d'Ivuarni mag‘lub etishi shart bo‘ladi.
Ruminiya — Janubiy Koreya — 0:4 Gollar: Marin, 27, avtogol. Um Von Sang, 59. Li Kang In, 84, penaltidan, 90.
Ruminiya U-23 – Aioani, Bobok (Grigore, 64), Gitse, Pashkanu, Marin, Sefer (George, 56), Dulka (Belutse, 77), George, Chobanu (Floresku, 76), Dobre, Ganya (Sintyan, 56).
Janubiy Koreya U-23 – Son Bom Gin, Pak Ji Su, Jon The Uk, Sol Yen U, Kan Yun Son, Li Don Gen (Kim Jin Gyu, 79), Von Du Je, Li Don Jun (Son Ming Gyu, 65), Om Von San (Kim Je U, 90), Xvan Iy Jo (Li Kan In, 79), Jon Sin Von (Kvon Chhang Hun, 46).
Ogohlantirishlar: Jon Sin Von (8), George (25), Pashkanu (67).
Chetlatish: George (45).
