09:43 / 30.07.2021
8472
Ботуров чоракфиналда ютқазди ва медалсиз қолди

30 июль куни бокс бўйича -69 кг вазн тоифасида Токио Олимпиадаси яримфинали учун ўзбекистонлик Бобоусмон Ботуров ва британиялик Пэт Маккормак ўртасида жанг ўтказилди.

Турнирга ўрта вазн тоифаси фаворитларидан бири сифатида ташриф буюрган британиялик боксчи буни амалда ҳам исботлади. Биринчи раундда у ўз ҳаракатлари билан Ботуровни қийин аҳволга солиб қўйди, ҳакамларнинг уч нафари раундни унинг фойдасига ёзишди, ўзбекистонлик боксчи эса ўзининг тезкорлиги эвазига икки ҳакамнинг очколарига эга бўлди.

Иккинчи раундда эса барча ҳакамлар бир овоздан ўзининг техник ҳаракатлари билан катта таассурот қолдирган Маккормакнинг ғалабасини қайд этишди. Ботуров вазиятни ўзгартириши учун учинчи раундда рақибни нокаутга учратиши талаб этиларди, у айнан шу мақсадда ҳаракат қилди ва рақибнинг бошига қатор зарбалар берди ва унга жароҳат ҳам етказди. Аммо Маккормак ғалабани сақлаб қолиб яримфиналга йўл олди, Ботуров эса Олимпиадани медалсиз тарк этадиган бўлди.

Шу тариқа, Ўзбекистон эркаклар бокс жамоасининг 8 аъзосидан 5 нафари иштирокини эрта якунлади. Энди Баҳодир Жалолов, Шаҳобиддин Зоиров ва Элнур Абдураимов Ўзбекистонга медал олиб келиш учун ҳаракат қилишади.

Мавзу
Токио Олимпиадаси
Пандемия туфайли қолдирилган 2020 йилги Ёзги Олимпиада 2021 йил 23 июлида Япониянинг Токио шаҳрида расман бошланади.
Барчаси
Top