15:34 / 30.07.2021
1188
Қарши шаҳрида ҳаракатланиб кетаётган «Нексия» машинаси ёниб кетди

Қарши шаҳридаги кўчалардан бирида ҳаракатланиб кетаётган «Нексия»да ёнғин содир бўлган ва машинанинг бир қисми ёниб кетган. Бу ҳақда вилоят Фавқулодда вазиятлар бошқармаси хабар бермоқда.

Маълум қилинишича, бугун 30 июль куни соат тахминан 10:45ларда Қарши шаҳар Фавқулодда вазиятлар бўлимига шаҳарнинг Мустақиллик шоҳкўчасида ҳаракатланиб кетаётган «Нексия» машинасида ёнғин содир бўлаётгани ҳақида хабар келиб тушган.

Хабар олингандан сўнг, Қарши шаҳар ФВБ 3-ПЁҚ қисмидан 1та ёнғин-қутқарув бўлинмаси жалб этилган. Бўлинма соат 10:51лар атрофида ёнғин юз берган жойга етиб бориб, соат 11:05ларда ёнғин тўлиқ ўчирилган.

Аниқланишича, ушбу машина Қарши шаҳар «Хонтепа» МФЙ Майсазор кўчасида яшовчи фуқаро A.Т.га тегишли бўлган. Қайд этилишича, ёнғиндан ҳеч ким тан жароҳати олмаган, фақат машина жиддий шикастланган. Ҳозирда ёнғин сабаби ва зарари аниқланмоқда.

Top