Surxondaryoda «tonirovka» qilingan va davlat raqami bo‘lmagan mashinani boshqargan IIB xodimiga chora ko‘rildi

Surxondaryo viloyati Denov tumanida oynalari qoraytirilgan va davlat raqami bo‘lmagan «Kobalt» mashinasini boshqargan IIB xodimiga chora ko‘rilgan. Bu haqda viloyat IIB YHXB xabar bermoqda.

Ijtimoiy tarmoqlarda Surxondaryo viloyati Denov tumanida IIB xodimi ekani aytilayotgan xodim oynalari qoraytirilgan va davlat raqami bo‘lmagan «Kobalt» mashinasini boshqarib yurgani tasvirlangan video tarqaldi. Viloyat IIB YHXB mazkur hodisa yuzasidan surishtiruv olib borgan.

Surishtiruvda aniqlanishicha, ushbu avtomashina Denov tumani Ichki ishlar organlari faoliyatini muvofiqlashtirish boshqarmasi xodimi D.O.ga tegishli ekani aniqlangan. Haydovchiga nisbatan YPX xodimlari tomonidan tegishli tartibda elektron bayonnoma rasmiylashtirilgan.